fbpx
Laugardagur 24.febrúar 2024
Fréttir

Ríkasti maður heims segir auglýsendum að fokka sér

Ritstjórn DV
Fimmtudaginn 30. nóvember 2023 15:30

Elon Musk. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Elon Musk, ríkasti maður heims, hefur beðist afsökunar á færslu sem hann birti á samfélagsmiðlinum X, sem er í eigu hans, fyrr í þessum mánuði. Færslan þótti fela í sér gyðingahatur. Musk sagði færsluna vera þá heimskulegustu sem hann hefði nokkru sinni sett inn á samfélagsmiðla. Hann lætur hins vegar auglýsendur heyra það fyrir að hætta að auglýsa á X vegna aukins gyðingahaturs á miðlinum.

Musk sagði við New York Times:

„Ég vill ekki að þeir auglýsi. Ef einhver ætlar að kúga mig með auglýsingum eða peningum má hinn sami fokka sér. Fokkaðu þér. Er það nógu skýrt?“

Musk nefndi Bob Iger forstjóra Disney sérstaklega á nafn og sagði:

„Bob, þetta finnst mér.“

Samtal Musk við New York Times fór fram á bókmenntaráðstefnu blaðsins og gátu áhorfendur fylgst með. Þeirra á meðal var forstjóri X Linda Yaccarino sem var sérstaklega ráðin til fyrirtækisins til að laða auglýsendur aftur að miðlinum.

Musk sagði einnig í samtalinu að hann ætti alls ekkert erfitt með að vera hataður. Hann sagði einnig að árið hefði verið viðburðaríkt en viðurkenndi að hann segði stundum það sem væri rangt.

Fjöldi stórra fyrirtækja hætti að auglýsa eftir að Musk birti færslu sýna um gyðinga. Í færslunni tók hann undir samsæriskenningar um gyðinga sem hópar hvítra kynþáttahatara hafa ýtt undir. Meðal þessara fyrirtækja voru stórir aðilar í skemmtana- og fjölmiðlageiranum. Disney, Paramount, NBCUniversal, Comcast, Lionsgate og Warner Brothers.

Musk segist alls ekki vera gyðingahatari og að færslan sé líklega það versta sem hann hafi nokkurn tímann gert.

Hann heimsótti Ísrael fyrr í vikunni og þar á meðal samyrkjubú sem Hamas réðst á 7.október síðastliðinn. Hann ræddi við fjölskyldur fólks sem tekið var í gíslingu af Hamas og hitti forseta Ísrael, Isaac Herzog, og forsætisráðherrann Benjamin Netanyahu.

Hann segir þó að ferðin hafi ekki verið farin til að biðjast afsökunar. Hann sé góð manneskja.

Musk sagði við Netanyahu að taka verði þá úr umferð sem einsetji sér að myrða og stöðva verði allan áróður sem miði að því að gera fólk að morðingjum um leið og velsæld verði aukin á Gaza-svæðinu. Það væri góð framtíð og lýsti Musk sig reiðubúinn til að aðstoða við að láta þetta verða að verðuleika.

CNN greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Guðrún á von á verulegri fækkun hælisleitenda – „Kannski 500 á ári“

Guðrún á von á verulegri fækkun hælisleitenda – „Kannski 500 á ári“
Fréttir
Fyrir 19 klukkutímum

Hafa náð sátt um forsenduákvæðin

Hafa náð sátt um forsenduákvæðin
Fréttir
Í gær

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“
Fréttir
Í gær

Banaslys á Djúpavogi – Ökumaður vinnuvélar sá ekki fram fyrir sig

Banaslys á Djúpavogi – Ökumaður vinnuvélar sá ekki fram fyrir sig
Fréttir
Í gær

Inga harðorð og segist vera einn fárra þingmanna sem viðurkennir þetta

Inga harðorð og segist vera einn fárra þingmanna sem viðurkennir þetta
Fréttir
Í gær

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“