fbpx
Þriðjudagur 16.apríl 2024
Fréttir

Mjaldrasysturnar gætu brátt fengið félagsskap í Vestmannaeyjum

Kristinn H. Guðnason
Miðvikudaginn 25. október 2023 15:30

Bella hefur það ekki mjög gott i sædýrasafninu í Seoul. Mynd/PETA í Asíu.

Ekki missa af Helstu tíðindum dagsins í pósthólfið þitt

Lesa nánar

Mjaldrasysturnar Litla Grá og Litla Hvít gætu fengið félagsskap á komandi árum. Til hefur staðið að flytja mjaldur að nafni Bella til Vestmannaeyja frá Suður Kóreu.

Kóreyski miðillinn Yonhap greinir frá þessu.

Bella hefur dvalið í sædýragarðinum Lotte World í Seoul, höfuðborg Suður Kóreu síðan árið 2014. Þangað var hún flutt frá Rússlandi ásamt tveimur karlkyns mjöldrum sem báðir drápust langt fyrir aldur fram, árin 2016 og 2019. Þeir voru aðeins 5 og 12 ára gamlir en meðal ævilengd mjaldra er í kringum 40 ár.

Dýraverndunarsinnar hafa gagnrýnt veru og aðbúnað mjaldrana í Lotte World harðlega og hefur safnið brugðist við með því að heita því að senda Bellu í athvarf til Íslands.

Tafir vegna veikinda og faraldurs

Þann 12. október var Koh Jeong-rack, forstjóri Lotte World, yfirheyrður af þingnefnd Suður kóreyska þingsins. Þar sagði hann að ætlunin væri að flytja Bellu í erlent athvarf fyrir árið 2026. Útsendarar frá sædýragarðinum hefðu heimsótt mjaldraathvarfið á Íslandi fyrir nokkrum árum til að tryggja að tekið yrði við Bellu.

Litla Hvít og Litla Grá komu til landsins sumarið 2019. Mynd/skjáskot

Hins vegar hafi áætlanir um flutning Bellu tafist. Bæði vegna heimsfaraldursins þegar ómögulegt var að flytja hvali heimshorna á milli og aðlögunar og heilsu þeirra hvala sem komu þangað fyrst, sem sagt Litlu Hvítar og Litlu Gráar.

„Við fengum skilaboð frá stjórnanda athvarfsins á Íslandi um að bíða vegna tafa við að setja upp aðstöðu fyrir veikan hval og vegna þess að þau þurftu að sjá um hann,“ sagði Kim Tae-hyung, upplýsingafulltrúi Lotte World. „Það er erfitt að segja hvenær flutningurinn mun eiga sér stað en við erum núna í viðræðum um þetta.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Maður féll niður um sjö tröppur á skemmtistað – Bíl rænt og eiganda ógnað með skotvopni

Maður féll niður um sjö tröppur á skemmtistað – Bíl rænt og eiganda ógnað með skotvopni
Fréttir
Fyrir 2 dögum

Forsetaefnasúpa Íslands vekur athygli og furðu erlendis – Bauð sig óvart fram því hún sér illa – „Ég var ekki með gleraugun á mér“

Forsetaefnasúpa Íslands vekur athygli og furðu erlendis – Bauð sig óvart fram því hún sér illa – „Ég var ekki með gleraugun á mér“
Fréttir
Fyrir 3 dögum

Maður gengur berserksgang í Langholtshverfi – Skemmir bíla og girðir niður um sig

Maður gengur berserksgang í Langholtshverfi – Skemmir bíla og girðir niður um sig
Fréttir
Fyrir 3 dögum

Aðalsteinn lagði Moggabloggarann Pál í héraði – Átta ummæli dæmd dauð og ómerk og dagsektir yfirvofandi

Aðalsteinn lagði Moggabloggarann Pál í héraði – Átta ummæli dæmd dauð og ómerk og dagsektir yfirvofandi