Á kvöld- og næturvakt lögreglunnar á höfuðborgarsvæðinu bar það helst til tíðinda að ekið var á tré í Árbæjarhverfi. Ökumaðurinn var fluttur á bráðamóttöku. Ekki liggja fyrir upplýsingar um meiðsli hans. Fjarlægja þurfti bifreið hans með dráttarbifreið.

Þrír ökumenn voru handteknir grunaðir um að vera undir áhrifum áfengis og/eða fíkniefna. Einn þeirra reyndist vera sviptur ökuréttindum.

Tilkynnt var um innbrot í fyrirtæki í Háaleitis- og Bústaðahverfi.

Tilkynnt var um þjófnað úr verslun á Seltjarnarnesi. Tveir eru grunaðir í málinu og eru þeir báðir undir 18 ára aldri. Málið var því unnið í samvinnu við foreldra þeirra og barnaverndaryfirvöld.