fbpx
Föstudagur 27.janúar 2023
Fréttir

Frumleg smyglaðferð hjá svissnesku burðardýri

Ágúst Borgþór Sverrisson
Föstudaginn 13. janúar 2023 13:00

Héraðsdómur Reykjaness

Ekki missa af Helstu tíðindum dagsins í pósthólfið þitt

Lesa nánar

Svissneskur maður var þann 12. nóvember dæmdur í Héraðsdómi Reykjaness í 10 mánaða fangelsi fyrir smygl á töluverðu magni af kókaíni, 1.356,77 g. Dómurinn er þó vægari en kveðnir hafa að undanförnu verið upp yfir svokölluðum burðardýrum, en um daginn fékk maður 17 mánaða fangelsi fyrir smygl á um 1 kílói af kókaíni. Munurinn stafar eflaust af því að efnið sem Svisslendingurinn flutti inn til landsins var ekki sterkt, miðað við það sem gengur og gerist, styrkleikinn 30-56%. Enn fremur liggur fyrir að maðurinn var í raun með minna af kókaíni en 1.356,77 g en vegna smyglaðferðarinnar sem hann beitti var ekki hægt að ákvarða magnið.

Maðurinn kom til landsins með efnin þann 9. nóvember síðastliðinn, en hann var að koma úr flugi frá Barcelona. Smyglaðferðin var hugvitsamleg en efnin voru „falin í höfuðpúða, bakpoka og úlpu sem voru í farangri ákærða, en fíkniefnunum hafði verið skeytt saman við bómul og filtefni höfuðpúðans og svamplög í bakpoka og úlpu,“ eins og segir í ákæru. Einnig segir:

„Samkvæmt matsgerð voru sýnin sem send voru til rannsóknar af þrennum toga. Í fyrsta lagi blanda af filti og tróði með hvítum efnisleyfum, í öðru lagi ljósir svampar og filt með hvítum efnisleifum og í þriðja lagi ljósir svampar með ljósum efnisleyfum. Ekki var unnt að skilja fíkniefnin frá svampinum, filtinu og tróðinu. Því liggur fyrir að fíkniefnin sem slík voru ekki tæplega 1.357 grömm.“

Maðurinn játaði brot sín afdráttarlaust. Ekki er vitað til að maðurinn hafi brotið af sér áður. Ekkert hefur komið fram um að hann hafi verið eigandi efnanna né tekið þátt í skipulagningu á kaupum og innflutningi þeirra til landsins. Hins vegar lítur dómarinn það alvarlegum augum að maðurinn hafi flutt til inn til landsins töluvert magn af kókaíni sem ætlað var til söludreifingar hér á landi í ágóðaskyni. Niðurstaðan er sem fyrr segir tíu mánaða fangelsi.

 

Dómur Héraðsdóms Reykjaness

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Samkeppniseftirlitið stoppar kaup Kaupfélags Skagfirðinga á Gunnars Majonesi – „Við erum að skoða og meta málið“

Samkeppniseftirlitið stoppar kaup Kaupfélags Skagfirðinga á Gunnars Majonesi – „Við erum að skoða og meta málið“
Fréttir
Í gær

Logi vill sjá fimm atriði breytast hjá Guðmundi ef hann á að halda áfram sem landsliðsþjálfari

Logi vill sjá fimm atriði breytast hjá Guðmundi ef hann á að halda áfram sem landsliðsþjálfari
Fréttir
Í gær

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg
Fréttir
Í gær

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann
Fréttir
Í gær

Þjófnaður, skemmdarverk, slys og ökumenn í vímu

Þjófnaður, skemmdarverk, slys og ökumenn í vímu
Fréttir
Í gær

ÓIína hjólar í Eirík útaf skrifum hans – „Grein hans er áróður. Hún er líka ómerkileg“

ÓIína hjólar í Eirík útaf skrifum hans – „Grein hans er áróður. Hún er líka ómerkileg“