Aníta Hauks­dóttir, einn brotaþola Jóhannesar Tryggva Svein­björns­sonar, segist ekki geta orða bundist vegna fréttar um að Jóhannes hafi hrundið af stað fjár­öflun í eigin þágu þar sem hann hyggst fara með mál sitt fyrir Mann­réttinda­dóm­stól Evrópu.

„Ég get vart orða bundist. Eftir að hafa staðið í hel­víti í gegnum skýrslu­tökur, við­töl hjá lög­reglu, vitnis­burði í héraðs­dómi og setið í lands­rétti með hjartað og sálina í gólfinu, eftir alla þá van­líðan sem hann olli mér í öll þessi ár, eftir alla sál­fræði­tímana og vinnuna sem ég hef lagt í að ná aftur heilsu og styrk,“

skrifar Aníta í færslu á Facebook.

Jóhannes hlaut sex ára fangelsi fyrir kyn­ferðis­brot gegn Anítu og þremur öðrum konum. Í sam­tali við Frétta­blaðið segir Aníta að sig og fleiri brota­þola Jóhannesar hrylli við því að fólk fái falskar upp­lýsingar um hann. Í ársbyrjun 2022 var Jóhannesi dæmdur tólf mánaða hegningarauki í Héraðsdómi Reykjaness þegar hann var sakfelldur fyrir kynferðisbrot gegn fimmtu konunni. Hæstiréttur hafnaði málsskoti Jóhannesar, meðal annars með þeim rökum að niðurstaða Landsréttar væri að verulegu leyti byggð á sönnunargildi munnlegs framburðar og það mat verði ekki endurskoðað hjá Hæstarétti.

Segir fjölmiðla gefa gerandanum platform

„Að frétta­menn og miðlar skuli leyfa sér að bjóða geranda mínum plat­form til þess að van­virða mig, niðra mig og kalla mig bein­línis lygara. Að hann fái plat­form enn einu sinni til þess að reyna að ljúga upp á okkur þol­endur, búa til ein­hverjar ó­geð­felldar sögur um hvað hafi gerst,“ segir Aníta og vísar til fréttar á Vísir fyrr í dag um vitnað í yfirlýsingu á söfnunarsíðu Jóhannesar þar sem hann segist vera í fangelsi fyrir glæp sem hann framdi ekki.

Aníta segir að í fréttinni hafi gerandi hennar fengið að kalla sig lygara. „Sami maður og laug í­trekað upp á mig. Bjó til ó­geð­felldar sögur um mig og þetta at­vik sem átti sér stað. Á meðan þurfti ég að sitja þegjandi og hljóða­laust og bíða eftir rétt­vísinni hjá dóm­stólum. Ég var sand­korn af þeirri mann­eskju sem ég átti að vera.“

„Ég væri svo inni­lega til í það að fjöl­miðlar sýni í það minnsta lág­marks virðingu og fari með stað­reyndir máls, ekki öskur-væl og lygar þessara veru­leika­firrta manns sem braut á mér. Ég á ekki að þurfa að svara fyrir svona hér, ég gerði það fyrir lög­reglu, réttar­gæslu­manni, héraðs­dómi og lands­rétti. Éttu skít Jóhannes.“

„Þegar þú brýtur á konu brýtur þú á framtíð hennar, börnum hennar, huga, athygli, ástarlífi, heilsufari, starfsframa“

Stóð í trú um að fá frið og gerandinn refsingu

„Ég stóð í þeirri trú að eftir niður­stöðu héraðs­dóms, lands­réttar og höfnun hæsta­réttar að hann fengi ekki annað tæki­færi til þess að ráðast á okkur opin­ber­lega. Hann fengi refsingu og við frið. Þá að lág­marki að stað­reyndir málsins kæmu fram réttar en ekki ein­hver orða­stríð frá fanga á litla hrauni, rað­nauðgara.“

Aníta segir í færslunni að hún muni nú tjá sig í síðasta sinn um málið og staðreyndir þess, en hún birtir staðreyndir orðrétt upp úr dóms­upp­kvaðningu, skýrslu­tökum og vitnis­burðum.

“án hennar sam­þykkis, með því að nudda kyn­færi hennar utan­klæða og fara síðan með hönd sína inn fyrir nær­buxur hennar og nudda kyn­færi hennar og setja fingur inn í leg­göng hennar, henni að ó­vörum, þar sem hún lá létt­klædd á nudd­bekk”

“án hennar sam­þykkis, með því að renna hönd sinni milli rass­kinna hennar og setja fingur inn í leg­göng hennar, henni að ó­vörum, þar sem hún lá á nudd­bekk”

“án hennar sam­þykkis, með því að káfa á kyn­færum hennar og setja fingur inn í leg­göng hennar og enda­þarm, henni að ó­vörum, þar sem hún lá létt­klædd á nudd­bekk”

“án hennar sam­þykkis, með því að káfa á kyn­færum hennar og setja fingur inn í leg­göng hennar, henni að ó­vörum, þar sem hún lá létt­klædd á nudd­bekk”

Aníta segir fjóra brotaþola, þar á meðal sig lýsa því hvað gerðist í meðferðum hjá Jóhannesi. „Þetta eru 4 brota­þolar, þar á meðal ég, af allt­of mörgum, að lýsa því hvað átti sér stað. Án sam­þykkis… öllum að ó­vörum. Ekki ein einasta af okkur 5 sem hann er sak­felldur fyrir að brjóta á leitaði til þessa brenglaða manns í ein­hverja „ó­hefð­bundna“ stoð­kerfis­með­ferð.“

„Það hefði aldrei legið fyrir sam­þykki, hvað þá skrif­legt, því enga af okkur grunaði hvað hryllingur beið okkar. Þessi grein er ekkert annað en fjöl­miðla­kona að rétta dæmdum nauðgara gjallar­horn til þess eins að niðra okkur og valda okkur frekari skaða og van­líðan.“

Aníta birtir sömuleiðis stað­reyndir um það hvernig brota­þolarnir upplifðu að ganga í gegnum ferlið og hvernig líðan þeirra var eftir að á þeim var brotið.

“A hafi verið mjög brotin, átt erfitt með að stunda sportið og grátið mikið í tengslum við það, óttast að vera “dæmd” í sam­fé­laginu og ekki viljað kæra á­kærða af ótta við að enginn myndi trúa henni” – mamma í vitnis­burði

“A greindist með og þjáðist af al­var­legum og allt að mjög al­var­legum ein­kennum á­falla­streitu­röskunar”

“Þykja brot á­kærða gegn A og B sér­lega ó­svífin í ljósi ungs aldurs A og þess að B var haldin lang­vinnum sjúktómi”

„Á­kærði á sér engar máls­bætur“