fbpx
Laugardagur 03.desember 2022
Fréttir

Segir að NATO eigi að bregðast við notkun kjarnorkuvopna í Úkraínu með „gjöreyðandi“ hætti

Kristján Kristjánsson
Miðvikudaginn 28. september 2022 07:07

Er Pútín að reyna að kúga Evrópu? Mynd/Getty

Ekki missa af Helstu tíðindum dagsins í pósthólfið þitt

Lesa nánar

Ef svo fer að Rússar beiti kjarnorkuvopnum í Úkraínu á NATO að bregðast við með „gjöreyðandi“ hætti að mati Zbigniew Rau, utanríkisráðherra Póllands. Hann segir að NATO eigi ekki að bregðast við með því að beita kjarnorkuvopnum heldur á annan „gjöreyðandi“ hátt.

The Guardian segir að í heimsókn ráðherrans til Washington D.C. hafi hann sagt að NATO sé í því ferli að koma þeim skilaboðum til Moskvu að hart verði brugðist við ef Rússar beita kjarnorkuvopnum í Úkraínu.

Rússneski herinn á í vök að verjast í Úkraínu og hefur þurft að hörfa undan sókn úkraínska hersins síðustu vikurnar. Þetta hefur valdið vaxandi áhyggjum um að Vladímír Pútín, Rússlandsforseti, grípi til þess örþrifaráðs að beita kjarnorkuvopnum í stríðinu, hugsanlega litlum vígvallarvopnum, til að bregða Úkraínumönnum og stöðva baráttu þeirra gegn rússneska innrásarliðinu.

Í samtali við Meet the Press á NBC News sagði Rau að eftir því sem best sé vitað þá hóti Pútín að nota vígvallarkjarnorkuvopn í Úkraínu, ekki til árása á NATO. Það þýði að NATO eigi að bregðast við með hefðbundnum hernaði. „Þau viðbrögð eiga að vera gjöreyðandi. Ég tel að þetta séu þau skýru skilaboð sem NATO sendir Rússum núna,“ sagði hann.

Jake Sullivan, þjóðaröryggisráðgjafi Bandaríkjanna, sagði á sunnudaginn að ef Rússar beiti kjarnorkuvopnum muni það hafa „hörmulegar afleiðingar fyrir Rússland“ og að rússneskum embættismönnum hafi verið gerð grein fyrir þessum afleiðingum í einkasamtölum.

Rau sagði einnig að það væri augljóst að Pútín sé að tapa stríðinu í Úkraínu og því hafi hann gripið til herkvaðningar en ekki sé að sjá að herkvaðningin muni hjálpa honum til að vinna stríðið. Nú hafi úkraínski herinn sigrað rússneska atvinnuhermenn svo ólíklegt sé að nýliðar, sem séu illa þjálfaðir og búnir, breyti gangi stríðsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Snjallir Úkraínumenn blekkja Rússa með snjöllum brellum og eftirlíkingum

Snjallir Úkraínumenn blekkja Rússa með snjöllum brellum og eftirlíkingum
Fréttir
Í gær

Áætlun Rússa um innrásina í Úkraínu var svo leynileg að hún mistókst

Áætlun Rússa um innrásina í Úkraínu var svo leynileg að hún mistókst
Fréttir
Í gær

Pútín tekur hart á „erlendum útsendurum“

Pútín tekur hart á „erlendum útsendurum“
Fréttir
Í gær

Frétta­vaktin: Heyrnar- og tal­meina­stöðin illa starf­hæf | Sjálf­bærni­ráð Ís­lands stofnað

Frétta­vaktin: Heyrnar- og tal­meina­stöðin illa starf­hæf | Sjálf­bærni­ráð Ís­lands stofnað
Fréttir
Í gær

Tengsl á milli joðneyslu og greindar barna

Tengsl á milli joðneyslu og greindar barna
Fréttir
Fyrir 2 dögum

Nýtt lyf við Alzheimers hægir á minnistapi – Ýtir undir vonir um að elliglöp verði læknanleg í framtíðinni

Nýtt lyf við Alzheimers hægir á minnistapi – Ýtir undir vonir um að elliglöp verði læknanleg í framtíðinni
Fréttir
Fyrir 2 dögum

Dró Samfylkinguna í Reykjavík fyrir dóm vegna vangoldinnar húsaleigu

Dró Samfylkinguna í Reykjavík fyrir dóm vegna vangoldinnar húsaleigu
Fréttir
Fyrir 2 dögum

Fréttavaktin: Katrín segir að mörg símtöl þurfi til að halda saman ríkisstjórn | Arnarlaxslysið vanmetið

Fréttavaktin: Katrín segir að mörg símtöl þurfi til að halda saman ríkisstjórn | Arnarlaxslysið vanmetið