fbpx
Fimmtudagur 30.júní 2022
Fréttir

Hugrakkir rússneskir stjórnmálamenn gagnrýna stríðið í Úkraínu

Kristján Kristjánsson
Föstudaginn 3. júní 2022 06:12

Hertling segir að Úkraínumenn muni veita Rússum rothögg.

Ekki missa af Helstu tíðindum dagsins í pósthólfið þitt

Lesa nánar

„Áframhald á hernaðaraðgerðinni mun bæta við fjölda látinna og særðra hermanna. Við krefjumst þess að rússneskar hersveitir verði nú þegar kallaðar heim frá Úkraínu.“

Þetta sögðu tveir stjórnmálamenn í Primorskij Kraj, sem er í austanverðu Rússlandi, nýlega. Þeir eru báðir í kommúnistaflokknum. BBC skýrir frá þessu.

Það var Leonid Vasukevij, þingmaður á héraðsþinginu, sem setti gagnrýnina fram á þingfundi: „Ef landið okkar stöðvar ekki hernaðaraðgerðina mun munaðarlausum börnum í landinu fjölga. Ungt fólk hefur látist og örkumlast í hernaðaraðgerðinni. Þetta unga fólk hefði getað gert landinu gagn.“

Þegar hér var komið við sögu byrjuðu aðrir þingmenn að skamma hann og yfirgnæfa hann og Gennady Sjulga, félaga hans úr kommúnistaflokknum, sem studdi hann. Þrír aðrir þingmenn studdu málflutning þeirra.

Þetta hefur að vonum vakið athygli erlendra fjölmiðla en það athyglisverðasta í þessu máli er að rússneskir fjölmiðlar hafa fjallað um það.

Flemming Splidsboel Hansen, sérfræðingur í rússneskum málefnum hjá Dansk Institut for Internationale Studiers, skrifaði á Twitter að umfjöllun rússneskra fjölmiðla um málið gæti verið „hljóðlát mótmæli“. Í samtali við TV2 sagði hann: „Þeir endurtaka gagnrýnina og þannig breiðist hún út. Þetta eru fjölmiðlar, sem starfa á landsvísu, sem hafa vitnað í orð hans um látna og örkumlaða. Þeir skrifa það sem sagt var og auðvitað um viðbrögðin við því.“

Mótmæli Vasukevij og félaga enduðu með að Anatolij Dolgatjve, leiðtogi kommúnista á þinginu, gagnrýndi þá. Hann sagði að flokkurinn muni leggja pólitískt mat á það sem þeir gerðu og grípa til þyngstu aðgerða sem séu í boði. „Þið vanvirðið rússneska kommúnistaflokkinn með ummælum af þessu tagi,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Monica Lewinsky kallar eftir því að níðingarnir verði látnir svara til saka

Monica Lewinsky kallar eftir því að níðingarnir verði látnir svara til saka
Fréttir
Fyrir 20 klukkutímum

Segir að ekkert stríð væri í Úkraínu ef Pútín væri kona

Segir að ekkert stríð væri í Úkraínu ef Pútín væri kona
Fréttir
Í gær

Eldur í Dalshrauni

Eldur í Dalshrauni
Fréttir
Í gær

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar
Fréttir
Fyrir 2 dögum

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“
Fréttir
Fyrir 2 dögum

Lögreglan leitar manns

Lögreglan leitar manns