fbpx
Fimmtudagur 30.júní 2022
Fréttir

Var með rafbyssu á sér – Reyndu að stinga lögregluna af

Kristján Kristjánsson
Miðvikudaginn 15. júní 2022 05:49

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Um klukkan 20 í gærkvöldi hafði lögreglan afskipti af manni, sem var í mjög annarlegu ástandi, í Hlíðahverfi. Hann var handtekinn vegna ástands hans. Þegar hann var færður í fangageymslu fannst rafstuðbyssa á honum.

Á ellefta tímanum var kona í annarlegu ástandi handtekin í Háaleitis- og Bústaðahverfi. Ítrekað var búið að hafa afskipti af henni. Hún var vistuð í fangageymslu.

Á fjórða tímanum í nótt var maður handtekinn í Háaleitis- og Bústaðahverfi. Hann er grunaður um vörslu fíkniefna og brot á vopnalögum. Hann var vistaður í fangageymslu.

Á fimmta tímanum var númerslausri bifreið ekið í veg fyrir lögreglubifreið og síðan inn á bifreiðastæði í Hlíðahverfi. Þar fóru ökumaður og farþegi úr bifreiðinni og komst farþeginn undan. Ökumaðurinn var handtekinn en hann er grunaður um að hafa verið undir áhrifum fíkniefna, ítrekaðan akstur sviptur ökuréttindum, vörslu fíkniefna og brot á lyfjalögum.

Í Kópavogi lagði lögreglan hald á fíkniefni og búnað til framleiðslu fíkniefna á heimili manns eins.

Í Mosfellsbæ datt kona af hestbaki síðdegis í gær og var flutt með sjúkrabifreið á bráðamóttöku.

Í Grafarvogi voru höfð afskipti af manni, sem var í annarlegu ástandi, sem svaf í bifreið. Hald var lagt á kveikjuláslykla bifreiðarinnar. Maðurinn er grunaður um vörslu fíkniefna.

Einn ökumaður var kærður fyrir að aka sviptur ökuréttindum en um ítrekað brot hans var að ræða.

Fimm ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Tveir þeirra reyndust vera sviptir ökuréttindum og var um ítrekuð brot að ræða hjá þeim báðum.  Einn er grunaður um vörslu fíkniefna og einn lenti í umferðaróhappi áður en hann var handtekinn. Sá var vistaður í fangageymslu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Auglýsa 30 milljóna króna brugggræjur til sölu á Facebook – „ÁTVR hefur verið frekar fjandsamlegt við okkur“

Auglýsa 30 milljóna króna brugggræjur til sölu á Facebook – „ÁTVR hefur verið frekar fjandsamlegt við okkur“
Fréttir
Fyrir 2 dögum

Karen var gift tveimur mönnum á sama tíma – „Á því augnabliki vissi ég að allt sambandið okkar hafði verið lygi“

Karen var gift tveimur mönnum á sama tíma – „Á því augnabliki vissi ég að allt sambandið okkar hafði verið lygi“