Það bar helst til tíðinda á kvöld- og næturvakt lögreglunnar á höfuðborgarsvæðinu að tilkynnt var um mann sem svæfi ölvunarsvefni í bílastæðahúsi. Hann reyndist vera með þýfi meðferðis og var handtekinn og vistaður í fangageymslu.

Lögreglan stuggaði við fólki, sem var til vandræða á einn eða annan hátt, á nokkrum stöðum í borginni.

Einn ökumaður var handtekinn grunaður um að vera undir áhrifum fíkniefna.

Tilkynnt var um innbrot í bifreið í Hlíðahverfi og einnig í skóla. Einnig var tilkynnt um rúðubrot í hverfinu. Málin eru öll í rannsókn.