fbpx
Laugardagur 26.nóvember 2022
Fréttir

Þung orð féllu í rússnesku sjónvarpi – „Við verðum að hætta að ljúga“

Kristján Kristjánsson
Fimmtudaginn 6. október 2022 05:53

Andrey Kartapolov. Skjáskot

Ekki missa af Helstu tíðindum dagsins í pósthólfið þitt

Lesa nánar

Á fjarfundi með rússneskum kennurum í gær sagði Vladímír Pútín, forseti, óbeint að stríðsreksturinn í Úkraínu gangi illa. Samtímis fer gagnrýni í hans garð og hersins vaxandi á rússneskum ríkissjónvarpsstöðvum.

„Við verðum að hætta að ljúga. Fólk er ekki heimskt,“ sagði Andrey Kartapolov, þingmaður og fyrrum hershöfðingi,  í samtali við þáttastjórnandann Valdimir Solovjov í gær þegar þeir ræddu um daglegar stöðufærslur rússnesku ríkisstjórnarinnar um gang stríðsins. Orð hans vega þungt því hann er formaður varnarmálanefndar þingsins.

„Fyrst verðum við að hætta að ljúga. Við höfum rætt þetta mikið en af einhverjum ástæðum nær þetta ekki eyrum háttsettra manna,“ sagði hann að því er Francis Scarr, fréttamaður BBC, segir.

Hann nefndi síðan nokkur dæmi úr síðari heimsstyrjöldinni þar sem sovéskir leiðtogar sögðu ósatt um stöðuna á vígvöllunum. Hann sagði að það sama eigi sér stað núna og að varnarmálaráðuneytið reyni að fegra hlutina með áróðri um „flugskeyti sem eru skotin niður og fallna nasista“. „En fólk veit og það er hér sem vandamálin byrja. Fólk er ekki heimskt. Það er langt frá því að vera heimskt,“ sagði hann meðal annars.

The Guardian segir að í gær hafi Pútín rætt við útvalda kennara í gegnum fjarfundabúnað og var fundurinn sendur út í sjónvarpi. Þar sagði hann hluti sem voru að sögn The Guardian óbein viðurkenning á slæmu gengi rússneska hersins í Úkraínu. Hann sagði að nú sé unnið út frá því að staðan í innlimuðu héruðunum munu komast í jafnvægi. Hann lét einnig orð falla sem ganga gegn fyrri ummælum hans um að Úkraína sé land sem eigi sér engan tilverurétt: „Þrátt fyrir núverandi hörmungar þá höfum við alltaf haft og höldum áfram að bera mikla virðingu fyrir Úkraínubúum og menningu þeirra og tungumáli, bókmenntum og fleiru.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Hefndaraðgerðir halda áfram vegna hnífaárásarinnar – Reyksprengju grýtt inn á Paloma

Hefndaraðgerðir halda áfram vegna hnífaárásarinnar – Reyksprengju grýtt inn á Paloma
Fréttir
Fyrir 2 dögum

Stóraukinn vopnaburður meðal fanga

Stóraukinn vopnaburður meðal fanga
Fréttir
Fyrir 2 dögum

Segja níu mánaða stríð hafa afhjúpað stóra galla í stríðsmaskínu Pútíns

Segja níu mánaða stríð hafa afhjúpað stóra galla í stríðsmaskínu Pútíns
Fréttir
Fyrir 2 dögum

Rússneskur hershöfðingi í stofufangelsi – Heimtaði þvottavél í mútur

Rússneskur hershöfðingi í stofufangelsi – Heimtaði þvottavél í mútur