fbpx
Þriðjudagur 06.desember 2022
Fréttir

„Jafngildir því að Pútín undirriti eigið sjálfsvígsbréf“

Kristján Kristjánsson
Miðvikudaginn 5. október 2022 07:00

Pútín veit að sögn ekki hversu alvarleg staðan er. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Vandræði Vladímír Pútíns, Rússlandsforseta, í Úkraínu auka líkurnar á að Rússar grípi til vígvallarkjarnorkuvopna. Vígvallarkjarnorkuvopn eru litlar kjarnorkusprengjur sem eru hannaðar til notkunar á vígvöllum.

John Bolton, fyrrum þjóðaröryggisráðgjafi Bandaríkjanna og sendiherra hjá Sameinuðu þjóðunum, sagði í samtali við Sky News að Pútín sé nú „í meiri vandræðum en nokkru sinni síðan innrásin hófst“.

Hann sagði að „innlimun“ fjögurra hertekinna svæða í austur- og suðurhluta Úkraínu í kjölfar atkvæðagreiðslna hafi greinilega átt að efla móralinn hjá Rússum að mati Pútíns og koma að gagni við að draga upp ný landamæri að Úkraínu. „En staðreyndin er, að minnsta kosti miðað við heimssýn Pútíns, að nú er barist á „rússnesku landi“ og að rússneska hernum gengur ekki vel. Ég held því að þetta bæti enn á pólitísk vandamál Pútíns innanlands og auki líkurnar á að Rússar beiti kjarnorkuvopnum,“ sagði hann.

„Af því að barist er á „rússnesku landi“ held ég að Pútín geti talið það ógn við stjórn hans og það gætu verið aðstæður þar sem notkun kjarnorkuvopna verður líklegri en áður,“ sagði hann einnig.

Þegar hann var spurður hvernig Bandaríkin muni bregðast við ef Rússar beita kjarnorkuvopnum, sagði Bolton: „Ég held að það þurfi ekki endilega að vera með kjarnorkuvopnum, en það fer eftir því hvað Rússar gera. En ég held að við getum sagt að það jafngildi því að Vladímír Pútín undirriti eigið sjálfsvígsbréf ef hann heimilar beitingu vígvallarkjarnorkuvopna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Rússar nota skotfæri hraðar en þeir geta framleitt þau

Rússar nota skotfæri hraðar en þeir geta framleitt þau
Fréttir
Fyrir 18 klukkutímum

Segir að Pútín hafi ekki hugmynd um hversu alvarleg staðan er

Segir að Pútín hafi ekki hugmynd um hversu alvarleg staðan er
Fréttir
Fyrir 3 dögum

Segja að Vladimir Pútín hafi lent í slysi – Brákaði á sér rófubeinið og varð brátt í brók

Segja að Vladimir Pútín hafi lent í slysi – Brákaði á sér rófubeinið og varð brátt í brók
Fréttir
Fyrir 3 dögum

Héraðsdómur vísaði Ivermectin-máli Guðmundar Karls gegn Lyfjastofnun frá dómi

Héraðsdómur vísaði Ivermectin-máli Guðmundar Karls gegn Lyfjastofnun frá dómi
Fréttir
Fyrir 3 dögum

Ekkert erlent barn hefur verið ættleitt hingað til lands á árinu

Ekkert erlent barn hefur verið ættleitt hingað til lands á árinu
Fréttir
Fyrir 3 dögum

Bandaríkin sögð íhuga að þjálfa enn fleiri úkraínska hermenn

Bandaríkin sögð íhuga að þjálfa enn fleiri úkraínska hermenn