fbpx
Fimmtudagur 08.desember 2022
Fréttir

Guðrún Óla nýr ritstjóri Vikunnar

Máni Snær Þorláksson
Mánudaginn 3. október 2022 13:28

Guðrún Óla er nýr ritstjóri Vikunnar

Ekki missa af Helstu tíðindum dagsins í pósthólfið þitt

Lesa nánar

Guðrún Óla Jónsdóttir hefur verið ráðin ritstjóri Vikunnar. Frá þessu er greint í tilkynningu frá tímaritinu. Guðrún Óla hefur starfað sem blaðamaður á Vikunni frá árinu 2018 en áður var hún blaðamaður á sunnudagsblaði Morgunblaðsins og Morgunblaðinu auk þess sem hún las fréttir á K100. Árið 2014 lauk hún meistaranámi í blaða- og fréttamennsku frá Háskóla Íslands en hún er einnig með B.Ed.-gráðu í íslenskukennslu. Þá hefur Guðrún Óla getið sér gott orð sem söngkona.

„Ég er þakklát fyrir tækifærið og traustið sem mér er sýnt hjá Birtíngi og hlakka til að halda áfram þeirri góðu vegferð sem Vikan, elsta tímarit landsins, hefur verið á,“ segir Guðrún.

„Það er gott, en ekki síður mikilvægt að tímaritaútgáfa lognist ekki út af þrátt fyrir allar þær breytingar sem hafa átt sér stað í hröðu nútímasamfélagi. Við hjá Birtíngi höfum verið í stafrænni uppbyggingu sem við munum halda áfram og það eru spennandi tímar framundan, en það er samt fátt sem jafnast á við að fletta tímariti yfir góðum kaffibolla.“

Guðrún Óla tekur við af Steingerði Steinarsdóttur sem sagt var upp sem ritstjóra tímaritsins í sumar vegna skipulagsbreytinga. Steingerður hafði starfað sem ritstjóri í tíu ár og kom uppsögnin henni á óvart. Hún kvaddi þó í góðu og skildi við fyrirtækið í sátt.

„Eftir tíu ára starf kveð ég Birtíng og Vikuna, fjölbreytta, skemmtilega og frábæra blaðið mitt. Mér er efst í huga djúpt og innilegt þakklæti og einlæg gleði yfir að hafa fengið þetta tækifæri,“ sagði Steingerður á Facebook-síðu sinni er hún hafði unnið sinn síðasta dag á miðlinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fréttavaktin: Segir Eflingu hafa svikið sig | Ríkisendurskoðun harðorð

Fréttavaktin: Segir Eflingu hafa svikið sig | Ríkisendurskoðun harðorð
Fréttir
Fyrir 2 dögum

Tálbeitan gómar annan íslenskan mann – Vildi fara í trekant með 11-12 ára stelpum

Tálbeitan gómar annan íslenskan mann – Vildi fara í trekant með 11-12 ára stelpum