fbpx
Fimmtudagur 20.janúar 2022
FréttirMatur

Ómótstæðilega ljúffengt Kínóasalat að hætti Öglu Maríu

Sjöfn Þórðardóttir
Sunnudaginn 2. janúar 2022 18:19

Kínóasalatið að hætti Öglu Maríu hittir klárlega í mark á nýju ári./FRÉTTABLAÐIÐ SIGTRYGGUR ARI.

Ekki missa af Helstu tíðindum dagsins í pósthólfið þitt

Lesa nánar

Í Heilsublaðið Fréttablaðsins fyrir áramótin deilir Agla María Albertsdóttir, landliðskona í knattspyrnu og sóknarkona með Breiðabliki, með lesendum ómótstæðilega ljúffengu Kínósalati sem er kærkomikið að njóta eftir hátíðarnar. Agla María hefur náð undraverðum árangri í knattspyrnunni og er góð fyrirmynd og öðrum til eftirbreytni. Agla María var meðal annars valin leikmaður ársins 2021 í úrvalsdeild kvenna í knattspyrnu, Pepsi Max-deildinni, hjá Morgunblaðinu, auk þess sem hún hefur staðið sig framúrskarandi vel í landsleikjunum með íslenska landsliðinu á árinu sem er að líða. Agla María hefur alla tíð haft mikinn áhuga á öllu sem við kemur hollum og heilbrigðum lífsstíl sem hefur svo sannarlega skilað henni góðum árangri út í lífið.

„Eftir allar kræsingarnar um jólin finnst mjög gott að fá mér hollan og góðan mat þegar hátíðunum lýkur. Mér finnst þá oft tilvalið að skella í einfalt en mjög gott kínóasalat. Mér finnst kínóasalatið vera bæði ferskt og gott og auðvelt að laga það að mismunandi þörfum. Þetta er réttur sem fjölskyldan hefur oft þegar okkur langar í eitthvað hollt og ferskt. Fáum okkur oft þegar við vitum ekki hvað skal hafa í matinn.“

Kínóasalat að hætti Öglu Maríu

2 dl kínóa og 3 ½ dl vatn

½-1 krukka fetaostur

2-3 msk. hampfræ

1-2 msk. furuhnetur

Ein sæt kartafla

1 msk. af olíu

Hvítlaukur, saxaður

½-1 mangó, skorið í bita

1 krukka kjúklingabaunir (má líka vera kjúklingur)

20 stk. kirsuberjatómatar

100 g spínat

30 stk. kóríanderfræ

Slatti af niðurskorinni basilíku

1-2 msk. góð ólífuolía

Eftir smekk

Rauðlaukur

Rauð paprika

Ruccolasalat

Sjóðið kínóa í um 10-15 mínútur.

Skerið sætu kartöfluna í ca. 1 cm bita og bakið í ofni í ca. 30 mínútur með 1 matskeið af olíu og söxuðum hvítlauk.

Blandið öllu saman og dreifið ólífuolíunni yfir salatið.

Agla María Albertsdóttir, landsliðskona í fótbolta nýtur þess að borða hollan og góðan mat.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 3 vikum

Listin að brúna kartöflur

Listin að brúna kartöflur
Matur
Fyrir 3 vikum

Gómsætar súkkulaðibitakökur með Omnom súkkulaði sem enginn stenst

Gómsætar súkkulaðibitakökur með Omnom súkkulaði sem enginn stenst
Matur
08.12.2021

Ein vinsælasta jólagjöfin hjá fyrirtækjum til starfsmanna

Ein vinsælasta jólagjöfin hjá fyrirtækjum til starfsmanna
Matur
07.12.2021

Svona fægir þú silfrið fyrir jólin – heimagerður og umhverfisvænn fægilögur

Svona fægir þú silfrið fyrir jólin – heimagerður og umhverfisvænn fægilögur