fbpx
Þriðjudagur 27.september 2022
Fréttir

Alræmdir ofbeldismenn og undirheimahundar dregnir fyrir dóm – Myndbönd af ofbeldinu gengu um netheima

Ritstjórn DV
Föstudaginn 14. janúar 2022 11:47

Skjáskot úr myndbandinu

Ekki missa af Helstu tíðindum dagsins í pósthólfið þitt

Lesa nánar

Héraðssaksóknari hefur gefið út ákæru á hendur fjórum ungum mönnum, allir á tvítugsaldri eða nýskriðnir yfir tvítugt. Ákæran, sem DV hefur undir höndum, er í átta liðum og varðar atburði sem munu hafa gerst yfir að minnsta kosti þriggja ára skeið.

Reyndar beinast allir ákæruliðirnir að einum manni nema tveir, sem beinast þá að manninum og einum til eða öllum fjórum saman. Samkvæmt heimildum DV, er sá höfuðpaur tvítugur að aldri og hefur verið viðriðin fjölmörg ofbeldismál sem DV hefur sagt frá undanfarna mánuði. Hann situr nú gæsluvarðhaldi til 4. febrúar næstkomandi vegna brota sinna. Þar á meðal hrottalega líkamsárás sem átti sér stað inni í húsakynnum Borgarholtsskóla um miðjan janúar í fyrra.

Sjá einnig: Blóðug átök í Borgarholtsskóla – fjórir fluttir á slysadeild 

Þá birti DV myndband af hrottalegri árás umrædds höfuðpaurs í fyrra í félagi við aðra óþekkta menn. Myndbandið má sjá neðst í fréttinni.

Saman eru mennirnir fjórir ákærðir fyrir að hafa í nóvember 2018 ráðist að öðrum mönnum fyrir utan Hagkaup í Skeifunni. Eru mennirnir sagðir hafa slegið brotaþola ítrekað í höfuðið þar til þeir féllu í jörðina og haldið þá áfram að lúskra á þeim. Hlutu mennirnir margvíslega áverka og beinbrot af völdum árásarinnar.

Í júlí í fyrra eru tveir mannanna sagðir hafa ráðist að öðrum á Ingólfstorgi í miðborg Reykjavíkur með hnefahöggum og kylfu þar til maðurinn féll í jörðina. Að því loknu snéri höfuðpaurinn sér að konu og sló hana í lærið með kylfu þannig að hún hlaut 15 sentimetra langt mar.

Í ágúst er þessi sami höfuðpaur sagður hafa lamið mann illa í Kópavogi, eins og áður segir. Mun hann samkvæmt ákærunni hafa tekið brotaþola hálstaki og haldið honum niðri á meðan aðrir, ótilgreindir menn, börðu hann. Brotaþoli hlaut af árásinni margvísleg sár í andliti og nefbrot.

Þá er höfuðpaurinn jafnframt ákærður fyrir að hafa slegið konu á Prikinu í miðborginni þannig að konan hlaut sprungna vör.

Til viðbótar við áðurnefnd ofbeldismál þarf maðurinn að svara fyrir líflátshótanir gagnvart lögreglumönnum, nokkur fíkniefnalagabrot og þjófnað, en hann er sagður hafa stolið þrjú þúsund króna flösku úr verslun ÁTVR í Skeifunni og misst fíkniefni úr vasa sínum á meðan hann var að því í október síðastliðnum.

Af ákærunni að dæma gerir aðeins einn brotaþoli einkaréttarlega kröfu í málinu, og krefst hann 2,5 milljóna í miskabætur auk málskostnaðar.

Saksóknari krefst þess að mönnunum fjórum verði gert að sæta refsingu og greiðslu alls sakarkostnaðar.

Málið var þingfest í Héraðsdómi Reykjavíkur á mánudaginn síðastliðinn, og er nú þar til meðferðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Íslenska ríkið fær leyfi til að áfrýja dómi yfir nígerískum karlmanni til Hæstaréttar – Fékk 19 milljónir króna í miskabætur

Íslenska ríkið fær leyfi til að áfrýja dómi yfir nígerískum karlmanni til Hæstaréttar – Fékk 19 milljónir króna í miskabætur
Fréttir
Fyrir 18 klukkutímum

Gífurleg reiði í Rússlandi – Skaut manninn sem kvaddi vin hans til herskyldu

Gífurleg reiði í Rússlandi – Skaut manninn sem kvaddi vin hans til herskyldu
Fréttir
Fyrir 22 klukkutímum

Myndband sýnir mann stofna sér í lífshættu til að ná myndum – „Það hættulegasta sem ég hef séð túrista gera á Íslandi“

Myndband sýnir mann stofna sér í lífshættu til að ná myndum – „Það hættulegasta sem ég hef séð túrista gera á Íslandi“
Fréttir
Fyrir 23 klukkutímum

Stefnt að blaðamannafundi í hryðjuverkamálinu á miðvikudag – „Sumt af því sem hefur komið fram á við rök að styðjast en annað ekki“

Stefnt að blaðamannafundi í hryðjuverkamálinu á miðvikudag – „Sumt af því sem hefur komið fram á við rök að styðjast en annað ekki“
Fréttir
Í gær

Þjóðverjar kaupa gas frá Sameinuðu arabísku furstadæmunum

Þjóðverjar kaupa gas frá Sameinuðu arabísku furstadæmunum
Fréttir
Í gær

Segja síðustu hótanir Pútíns mjög áhættusamar – Getur fært stríðið á nýtt stig

Segja síðustu hótanir Pútíns mjög áhættusamar – Getur fært stríðið á nýtt stig
Fréttir
Í gær

„Sjálfselska“ – Norðmenn deila vegna gríðarlegs gróða vegna Úkraínustríðsins

„Sjálfselska“ – Norðmenn deila vegna gríðarlegs gróða vegna Úkraínustríðsins
Fréttir
Í gær

Fimm tré rifnuðu upp með rótum í storminum á Seyðisfirði

Fimm tré rifnuðu upp með rótum í storminum á Seyðisfirði