Klukkan 04.45 var tilkynnt um eld í sumarhúsi við Þinganes í Heiðmörk. Bústaðurinn var sagður alelda. Slökkvilið og lögregla eru á vettvangi. Bústaðurinn er talinn hafa verið mannlaus.

Á Facebooksíðu slökkviliðsins kemur fram að bústaðurinn hafi verið alelda er það kom á vettvang og hafi því verið tekin ákvörðun um að láta hann brenna niður og vernda gróður í kring en svæðið er vatnsverndarsvæði.

Eldur kom upp í öðru sumarhúsi á þessum slóðum fyrir um viku og brann sá til kaldra kola.