Á tólfta tímanum í gærkvöldi var maður, sem var í annarlegu ástandi, handtekinn við styttuna af Ingólfi Arnarsyni á Arnarhóli. Hann hafði kveikt eld í ruslatunnu og ætlaði að hita sér sviðakjamma. Ruslatunnan bráðnaði og maturinn brann við. Maðurinn var vistaður í fangageymslu.

Á ellefta tímanum var ökumaður handtekinn í Vesturbænum en hann hafði ekið á tvær bifreiðar og stungið af frá vettvangi. Hann er grunaður um að hafa verið undir áhrifum fíknefni og/eða lyfja. Hann var vistaður í fangageymslu.

Um klukkan 19 datt kona af reiðhjóli í Mosfellsbæ. Hún var með mikla verki í öxl og var flutt með sjúkrabifreið á slysadeild.

Tveir ökumenn voru handteknir í nótt grunaðir um að vera undir áhrifum áfengis og/eða fíkniefna. Annar þeirra er einnig grunaður um vörslu fíkniefna og hinn reyndist ekki vera með gild ökuréttindi.