Testcovid.is hefur gert samning við Sjúkratryggingar um gjaldfrjáls hraðpróf vegna Covid-19. Þetta kemur fram í tilkynningu frá Öryggismiðstöðinni, en hún starfrækir þrjár skimunarstöðvar í samstarfi við Sameind rannsóknarstofu. Þær eru staðsettar við Kringluna, á BSÍ og við Aðaltorg í Reykjanesbæ.
„Það eru stór tíðindi að hraðprófin séu ókeypis fyrir alla. Þau kostuðu áður 6.900 kr. en eru sem sagt ókeypis núna sem skiptir auðvitað miklu máli fyrir fólk. Sérstaða okkar er að fólk getur bókað tíma hjá okkur á netinu og það er engin biðröð þegar fólk mæti í skimun. Þú velur skimunarstað og bókar einfaldlega dag og tímasetningu sem hentar þér best á testcovid.is.“segir Ómar Brynjólfsson, framkvæmdastjóri AVIÖR, sem er svið innan Öryggismiðstöðvarinnar, og sér um rekstur skimunarstöðvanna.
„Það er mikil eftirspurn eftir hraðprófum og við heyrum að fjölmargir aðilar eru að fara af stað með stærri viðburði, t.d. busaböll í menntaskólum, árshátíðir, íþróttaleiki, tónleika og aðra menningarviðburði. Við getum þjónustað stóra hópa í einu og allir eiga sína tímabókun“ segir Ómar.