fbpx
Miðvikudagur 12.maí 2021
Fréttir

Aukin eftirspurn og vélaskortur valda lopaskorti

Kristján Kristjánsson
Þriðjudaginn 4. maí 2021 08:00

Það er skortur á lopa þessa dagana. Mynd- Skjáskot af heimasíðu Handprjónasambands Íslands

Ekki missa af Helstu tíðindum dagsins í pósthólfið þitt

Lesa nánar

Mikil eftirspurn hefur verið eftir lopa í heimsfaraldrinum og anna framleiðendur henni ekki. Sænsk dagblöð segja að kaupendur að íslenskri ull fái ekki nema um tíunda hluta þess sem þeir hafa þörf fyrir. Prjónafólk hér á landi finnur einnig fyrir þessum skorti og á erfitt með að verða sér úti um lopa.

„Við höfum ekki fleiri vélar. Það er ekki flóknara en það,“ hefur Fréttablaðið eftir Sigurði Sævari Gunnarssyni, framkvæmdastjóra Ístex, um stöðuna en fyrirtækið er stærsta ullarsöfnunarfyrirtæki landsins. „Við komum á kvöldvöktum til að reyna að mæta þessu en það hefur ekki dugað til,“ sagði hann einnig.

Ullin er flutt til Blönduóss en þar er hún þvegin og skipt í hráull og ull til lopa. Í Mosfellsbæ er lopinn, sem er verðmætasta varan, síðan búin til en hráullinn er til dæmis notuð í sængur og gólfteppaband.

Fréttablaðið hefur eftir Sigurði að eftirspurnin hafi aukist síðustu þrjú ár og þá sérstaklega í faraldrinum. Í maí á síðasta ári hafi pantanir farið að stækka og um síðustu áramót hafi þær orðið enn stærri en venjulega. Þetta eigi við um Svíþjóð, Finnland, Þýskaland og Bandaríkin og fleiri lönd sem Ístex er í viðskiptum við.

Aukin eftirspurn skýrist af auknum áhuga á handavinnu í faraldrinum en það er auðvitað góð iðja að prjóna þegar stunda þarf félagsforðun og fyrir marga er þetta gott fyrir andlegu hliðina.

Ístex hefur ákveðið að kaupa fleiri vélar og bæta við sig starfsfólki á kvöldvaktir.

Sigurður sagði útilokað að spá fyrir um hvenær afköst og eftirspurn nái jafnvægi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum
Þrjú smit í gær
Fréttir
Í gær

Slökkviliðið kallað út vegna sinubruna í Laugarnesi – MYNDIR

Slökkviliðið kallað út vegna sinubruna í Laugarnesi – MYNDIR
Fréttir
Í gær

Hin ákærðu í Rauðagerðismálinu sökuð um samverknað um morð

Hin ákærðu í Rauðagerðismálinu sökuð um samverknað um morð
Fréttir
Fyrir 2 dögum

Datt og þríbrotnaði á leiðinni frá eldgosinu – Lýsir mögnuðum náungakærleik Íslendinga og þakkar ókunnugu stúlkunni

Datt og þríbrotnaði á leiðinni frá eldgosinu – Lýsir mögnuðum náungakærleik Íslendinga og þakkar ókunnugu stúlkunni
Fréttir
Fyrir 2 dögum

Telur að Leirfinnur hafi ekki verið að hringja í Geirfinn – „Maðurinn í leðurjakkanum“ hvarfinu óviðkomandi

Telur að Leirfinnur hafi ekki verið að hringja í Geirfinn – „Maðurinn í leðurjakkanum“ hvarfinu óviðkomandi
Fréttir
Fyrir 2 dögum

Tvær sem greindust í gær komnir á gjörgæslu

Tvær sem greindust í gær komnir á gjörgæslu
Fréttir
Fyrir 2 dögum

Fimm smit og flestir í sóttkví

Fimm smit og flestir í sóttkví