Tveir aðilar hafa greinst með indverska afbrigðið á landamærunum seinustu daga. Fleiri hafa greinst með breska afbrigðið en allir þessir dvelja nú í sóttvarnarhúsi. Þetta kom fram á upplýsingafundi almannavarna.
Indland hefur átt í miklum erfiðum með faraldurinn seinustu vikur og eru enn hundruð þúsunda að greinast dag hvern. Öll sjúkrahús eru yfirfull af fólki með Covid-19 og starfsmenn sjúkrahúsa hafa þurft að vísa fólki frá sem er smitað af veirunni.
Þrjú afbrigði eru undirafbrigði indverska afbrigðsins. Þau hafa greinst í mörgum löndum, meðal annars löndum í Skandinavíu, að sögn Þórólfs. Það tók töluverðan tíma fyrir breska afbrigðið að leka inn í landið og vonar Þórólfur að það gerist ekki með það indverska. Lítið er vitað um þetta afbrigði.