Átta sjómenn um borð í Þórsnesi eru veikir og leikur grunur á að um kórónuveirusmit sé að ræða. Morgunblaðið skýrir frá þessu. Fara sjómennirnir í sýnatöku snemma í dag. Þórsnes, sem er línuveiðaskip, varð vélarvana um 40 sjómílur norður af Langanesi í gær og dró varðskipið Þór skipið til lands.
Á Facebooksíðu Landhelgisgæslunnar kemur fram að Þór hafi verið í höfn á Þórshöfn þegar aðstoðarbeiðni barst á hádegi í gær.