fbpx
Fimmtudagur 15.apríl 2021
Fréttir

Jón Sigurður um umdeild ummæli Victoriu – „Vilja svipta fólk ærunni að ósekju“

Máni Snær Þorláksson
Þriðjudaginn 9. mars 2021 10:26

Mynd/Samsett - Mynd af Victoriu: IMDb

Ekki missa af Helstu tíðindum dagsins í pósthólfið þitt

Lesa nánar

„Hver man ekki eftir Viktoríu Abril, sem við Íslendingar tókum ástfóstri við eftir að hún fór með hlutverk föngulegrar flamingódansmeyjar í myndinni 101 Reykjavík?“

Að þessu spyr Jón Sigurður Eyjólfsson rithöfundur í pistli sem birtist í Fréttablaði dagsins í dag. „Nú hefur hún einn ganginn enn skipt um hlutverk en þegar hún var að taka við verðlaunum, nú nýverið, tókst henni á tíu mínútum að umbreytast úr ástsælli leikkonu í persona non grata og nýjasta skotspón níðþeytifólks,“ segir Jón en spænska leikkonan Victoria Abil lenti illa í því eftir ummæli sín á verðlaunaafhendingunni sem um ræðir. Ummælin eru umdeild og hafa vakið mikla athygli í spænsku pressunni.

„Við þetta tækifæri hætti hún sér nefnilega út á þann þunna ís að lýsa skoðun sinni á kórónaveirunni, sem hún sagði vera eins og hverja aðra veiru sem leiddi árlega vissan fjölda fólks til dauða án þess að nokkur gripi til nokkurra neyðarráðstafana. Fór hún mikinn og kallaði þetta kóróna-sirkus og tók ekki í mál að bera grímu.“

Jón Sigurður óttast það að fólk geti ekki sagt sína skoðun, jafnvel þó þær séu taldar vera hættulegar. „Fólki rann blóðið til skyldunnar að taka upp hanskann fyrir þá sem væru nógu hrifnæmir til að falla fyrir ræðu hennar, þar sem um stórhættulegar skoðanir væri að ræða, og hver sá sem vettlingi gat valdið fór háðulegum orðum í fjölmiðlum um gáfnafar hennar og eðlisfar. Vissulega var ekki langt í þá kröfu að hún yrði svipt verðlaunum,“ segir hann.

Að lokum segist Jón ekki ætla að draga úr alvarleika veirunnar skæðu þar sem hún muni líða hjá. „En aldrei fennir yfir framgang þeirra sem vilja svipta fólk ærunni að ósekju. Ég ætla heldur ekki að gera lítið úr sársaukanum sem það kann að valda þegar einir halda fram skoðunum sínum,“ segir hann. „En þar sem ég þekki ágætlega fortíð ættjarðar hennar Viktoríu óttast ég miklu fremur þann dag er allir neyðast til að vera á sömu skoðun.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Engin smit í gær
Fréttir
Fyrir 2 dögum

„Þetta með Janssen eru ekki góðar fréttir,“ segir heilbrigðisráðherra

„Þetta með Janssen eru ekki góðar fréttir,“ segir heilbrigðisráðherra
Fréttir
Fyrir 2 dögum

Puttasendingar á Miklubraut enduðu í blóðugum slagsmálum í Ármúla – Réðst á manninn með „geðveikisglampa“ í augum

Puttasendingar á Miklubraut enduðu í blóðugum slagsmálum í Ármúla – Réðst á manninn með „geðveikisglampa“ í augum
Fréttir
Fyrir 2 dögum

Íslendingur handtekinn vegna barnaníðs á Spáni – Sagður hafa lokkað börnin til sín með gjöfum

Íslendingur handtekinn vegna barnaníðs á Spáni – Sagður hafa lokkað börnin til sín með gjöfum
Fréttir
Fyrir 2 dögum

Þrír greindust utan sóttkvíar í gær – Nýjar tillögur Þórólfs ræddar í ríkisstjórn

Þrír greindust utan sóttkvíar í gær – Nýjar tillögur Þórólfs ræddar í ríkisstjórn
Fréttir
Fyrir 2 dögum

Bryndís Schram um kynni sín af Filippusi – „Hann sýndi engan áhuga og hreytti út úr sér hálfgerðum ónotum“

Bryndís Schram um kynni sín af Filippusi – „Hann sýndi engan áhuga og hreytti út úr sér hálfgerðum ónotum“
Fréttir
Fyrir 2 dögum

Fékk ekki styrk frá Kvikmyndasjóði Íslands og gekk of langt – „Þá geta þau bara átt sig“

Fékk ekki styrk frá Kvikmyndasjóði Íslands og gekk of langt – „Þá geta þau bara átt sig“