fbpx
Mánudagur 12.apríl 2021
Fréttir

Mál Bláfugls vekur mikinn ugg – Staðan sögð grafalvarleg

Erla Dóra Magnúsdóttir
Föstudaginn 26. febrúar 2021 13:51

Ekki missa af Helstu tíðindum dagsins í pósthólfið þitt

Lesa nánar

Félag íslenskra atvinnuflugmanna (FÍA) hefur stefnt Samtökum atvinnulífsins (SA) og Bláfugli fyrir Félagsdóm.

Fragtflugfélagið Bláfugl sagði upp ellefu flugmönnum í desember í hagræðingarskyni. Í kjölfarið greindi ASÍ frá því að Bláfugl nýtti sér þjónustu starfsmannaleigna og var því haldið fram að Bláfugl gerði slíkt til að komast upp með lægri launagreiðslur.

FÍA hefur nú höfðað mál fyrir Félagsdómi varðandi meintar ólögmætar uppsagnir flugmanna Bláfugls sem starfa á kjarasamningi við FÍA. Eins er málið til skoðunar hjá Vinnumálastofnun.

Í fréttatilkynningu segir FÍA að málið hafi vakið mikinn ugg víða og hafi danskir og norskir fjölmiðlar fjallað um málið.

FÍA segir stöðuna grafalvarleg.

„Enda gróflega vegið að lögum og reglum íslensks vinnumarkaðar af hálfu Bláfugls og SA, sem fer með samningsumboðið fyrir hönd Bláfugls,“ segir í tilkynningu.

FÍA segir niðurstöðu Félagsdóms koma til með að skapa mikilvægt fordæmi fyrir því hvort heimilt sé að segja upp launafólki sem starfi eftir kjarasamningi og ráða inn gerviverktaka í staðinn á meira en helmingi lægri launum. Eins hvort heimilt sé að ráða inn gerviverktaka til að ganga inn í störf þeirra sem eru í löglega boðuðu verkfalli.

Í tilkynningu segir enn fremur:

„Undir lok síðasta árs var öllum flugmönnum Bláfugls sem eru í stéttarfélagi sagt upp störfum, í miðjum kjaraviðræðum, og í framhaldi af því tilkynnti flugfélagið um að framvegis muni það einungis ráða „sjálfstætt starfandi flugmenn,“ með öðrum orðum gerviverktaka. Flugmaður sem starfar fyrir flugrekanda getur í eðli sínu ekki starfað sem verktaki þar sem hann uppfyllir ekki skilyrði um verktöku.“

Telur FÍA að ef athæfi Bláfugls verði látið óátalið af yfirvöldum megi draga þá ályktun að heimilt sé að segja upp launafólki landsins sem starfi á grundvelli kjarasamninga og ráða inn gerviverktaka í þeirra stað til að lækka laun verulega og svipta launafólk áunnum réttindum á borð við veikindarétt og orlof.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Grímulausum manni vísað út úr verslun

Grímulausum manni vísað út úr verslun
Fréttir
Fyrir 3 dögum

Sigríður hjólar í Kára vegna Kastljóssþáttarins – „Kjaftfor auðkýfingur á áttræðisaldri“

Sigríður hjólar í Kára vegna Kastljóssþáttarins – „Kjaftfor auðkýfingur á áttræðisaldri“
Fréttir
Fyrir 3 dögum

Nýjar reglur á landamærum taka gildi á miðnætti – Úrskurður héraðsdóms hefur áhrif

Nýjar reglur á landamærum taka gildi á miðnætti – Úrskurður héraðsdóms hefur áhrif
Fréttir
Fyrir 3 dögum

Lyfjastofnun skoðar andlát í kjölfar bólusetningar með bóluefni Astra Zeneca

Lyfjastofnun skoðar andlát í kjölfar bólusetningar með bóluefni Astra Zeneca