Lögreglu hafa borist fleiri tilkynningar um sprengjuhótanir í morgun og hefur verið gripið til aðgerða vegna þessa hjá þremur öðrum stofnunum, auk Menntaskólans við Hamrahlíð sem við greindum frá fyrr í dag.
Sprengjuhótun barst á netfang Menntaskólans við Hamrahlíð í nótt og því var skólahald í morgun fellt niður. Um leið og lögreglu var tilkynnt um málið brást hún þegar við og gripið var til viðeigandi ráðstafana, sem miðuðu að því að leita af sér allan grun. Torkennilegur hlutur fannst fyrir utan skólann en hann reyndist síðan vera skaðlaus.
Lögreglan telur sig vita hver stendur að baki hótuninni, en sá er staddur erlendis og hefur áður haft í hótunum með þessum hætti.