fbpx
Föstudagur 26.nóvember 2021
Fréttir

PLAY bætir við sig áfangastöðum á Spáni – Fljúga til Mallorca og Malaga í sumar

Erla Dóra Magnúsdóttir
Þriðjudaginn 26. október 2021 10:22

Ekki missa af Helstu tíðindum dagsins í pósthólfið þitt

Lesa nánar

Flugfélagið PLAY hefur nú bætt við tveimur áfangastöðum á Spáni, Mallorca og Malaga, á sumaráætlun sinni fyrir 2022. Þar með eru áfangastaðir PLAY á Spáni orðnir sex, en nú þegar hefur verið boðið upp á áætlunarflug til BarcelonaTenerifeAlicante og Gran Canaria.

Flogið verður einu sinni í viku, á miðvikudögum til Palma á Mallorca og á sunnudögum til Malaga. Þetta kemur fram í fréttatilkynningu.

Malaga, heimabær Pablo Picasso, er sólríkasta borg Spánar en þessi fallega hafnarborg við Miðjarðarhafið er mjög vinsæl meðal ferðamanna. Það sama má segja um borgina Palma á paradísareyjunni Mallorca þar sem hreinar strendur, volgur sjór, náttúrufegurð og fallegur arkitektúr lokka til sín ferðamenn.

„Það er óhætt að segja að Íslendingar njóti sín vel á Spáni en frá því PLAY hóf miðasölu varð strax gríðarleg eftirspurn eftir farmiðum til Spánar. Við finnum einnig vel fyrir áhuga Spánverja á að koma til Íslands. Nýju áfangastaðirnir gefa þeim eldri ekkert eftir enda eru þetta sannkallaðar paradísarborgir og við hlökkum til að fljúga sólþyrstum Íslendingum á nýja staði,“ segir Birgir Jónsson, forstjóri PLAY. „

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt