Skjálfti upp á 4,2 varð 0,8 km suðvestan af Keili á Reykjanesi klukkan hálffjögur í dag, samkvæmt upplýsingum á vef Veðurstofunnar.
Er þetta stærsti skjálftinn sem hefur orðið í þeirri skjálftahrinu á svæðinu sem hófst þann 27. september síðastliðinn.
Margir urðu varir við skjálftann á höfuðborgarsvæðinu.
Uppfært – Eftirfarandi tilkynning barst frá Veðurstofunni um málið:
„Nú kl 15:32 varð skjálfti af stærð 4.2 rétt 1.1 km SSV af Keili. Skjálftans varð vart á öllu Suðvesturhorni landsins og allt upp í Borgarnes. Alls hafa á níunda hundrað skjálfa mælst frá miðnætti og er það á pari við skjálftavirkni síðustu daga. Skjálftarnir eru flestir á 5-6 km dýpi líkt og verið hefur.“