Lögreglan á höfuðborgarsvæðinu hafði afskipti af níu ökumönnum í gærkvöldi og í nótt eftir því sem kemur fram í dagbók lögreglu, samantekt sem að jafnaði er send fjölmiðlum á morgnanna.

Af þessum níu ökumönnum eru sjö grunaðir um akstur undir áhrifum áfengis og/eða fíkniefna, einn var tekinn við hraðakstur og sá síðasti reyndist án ökuréttinda.

Eins hafði lögregla afskipti af manni í Hafnarfirði vegna framleiðslu og ræktunar fíkniefna. Lögregla lagði hald á plöntur og ræktunarbúnað.