Þriðjudagur 02.mars 2021
Fréttir

Kröfu um kyrrsetningu brunarústanna við Bræðró hafnað

Heimir Hannesson
Fimmtudaginn 14. janúar 2021 18:00

mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Kröfu Guðbrands Jóhannessonar, lögmanns þeirra sem bjuggu í húsinu við Bræðraborgarstíg 1 og ættingja þeirra sem létust er húsið brann í júní á síðasta ári, um kyrrsetningu á rústunum og næsta húsið við sem er í eigu sama aðila var í morgun hafnað.

Húsin við Bræðraborgarstíg 1 og 3 eru í eigu HD verks, en eigandi félagsins er Kristinn Jón Gíslason. Lögmaður HD verks, Skúli Sveinsson, segir í samtali við blaðamann DV að húsið við Bræðraborgarstíg 3 sé nú selt. Í kyrrsetningabeiðni Guðbrands kom fram að kaupsamningur um húsið við Bræðraborgarstíg 1 hafi verið samþykktur.

Kyrrsetningabeiðni hefði þýtt að húsið eða söluandvirði þess hefði verið kyrrsett og beðið í vörslu sýslumanns þar til hugsanleg dómsmál um skaðabótakröfu íbúa hússins og ættingja þeirra látnu væru útkljáð. Þannig hefði í raun myndast veð fyrir skaðabótakröfunum í verðmæti fasteignanna.

Skúli segir jafnframt að grundvöllur kyrrsetningarkröfunnar hafi í öllu fallið verið afar veikur og voru skilyrði ekki talin vera fyrir hendi svo að fallast mætti á beiðni um kyrrsetningu. Hann segir jafnframt að málatilbúnaður Guðbrands byggi fyrst og fremst á skýrslu Húsnæðis- og mannvirkjastofnunar sem fór býsna hörðum orðum um ástand hússins og ástand brunavarna þar.

Segir skýrslu HMS byggja á röngum forsendum

Skúli fer hörðum orðum um vinnubrögð HMS í málinu. Hann segir HMS byggja ranglega á því að teikningar hafi verið skilað inn til byggingafulltrúa til samþykktar árið 2000. „Hið rétta er að reyndarteikningar voru lagðar inn til byggingafulltrúa það ár sem sýna hvernig húsið var þá en snúa ekki að neinum sérstökum breytingum á því sem samþykkt hefði þurft.“ Skúli bendir svo á að engar teikningar hafi verið til af húsinu, enda húsið 114 ára gamalt.

„Umbjóðandi minn hefur jafnframt gögn undir höndum sem sýna að aðrar niðurstöður HMS eru rangar svo sem varðandi brunaútgang, sem stofnunin vill meina að hafi verið lokað. Undarlegt verður að telja að HMS hafi ekki leitað til umbjóðanda míns við vinnu stofnunarinnar að skýrslu sinni þar sem þá hefði verið unnt að upplýsa um málavexti. Ekki verður annað séð en að allnokkuð skorti á fagleg vinnubrögð hjá stofnuninni,“ segir Skúli þá jafnframt.

Óvissa um 70 milljóna skaðabótakröfu

DV sagði frá því í september að Héraðssaksóknari hefði ákært hinn 63 ára gamla Marek Moszczynski fyrir þrjú morð, tíu morðtilraunir og íkveikju vegna málsins. Dómkvaddur matsmaður hefur nú metið Marek ósakhæfan og því óvíst hvort hægt verði að sækja bætur til hans. Í ákærunni, sem DV hefur undir höndum, kemur fram að íbúar hússins og ættingjar hinna látnu gera samtals 70 milljóna kröfu um skaðabætur í málinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Rauðagerðismorðið: Einn í farbann

Rauðagerðismorðið: Einn í farbann
Fréttir
Fyrir 20 klukkutímum

Dæmdir til að borga upp feitan yfirdrátt – Bensinn og loftpessurnar dugðu skammt

Dæmdir til að borga upp feitan yfirdrátt – Bensinn og loftpessurnar dugðu skammt
Fréttir
Fyrir 23 klukkutímum

„Ofsahræðsla og ábyrgðarleysi“ segir Brynleifur – „Þetta er komið út í al­gjöra þvælu“

„Ofsahræðsla og ábyrgðarleysi“ segir Brynleifur – „Þetta er komið út í al­gjöra þvælu“
Fréttir
Í gær

Þórólfur ekki hrifinn af hugmynd Jóns Ívars – „Menn geta haft allskonar mismunandi skoðanir á þessu“

Þórólfur ekki hrifinn af hugmynd Jóns Ívars – „Menn geta haft allskonar mismunandi skoðanir á þessu“
Fréttir
Í gær

Albert spilaði allan leikinn í sigri – Enginn Mikael í Íslendingaslagnum

Albert spilaði allan leikinn í sigri – Enginn Mikael í Íslendingaslagnum
Fréttir
Í gær

Enn einn skjálftinn ofan í kvöldmatinn – Höggið fannst víða um suðvesturhornið – Rúmlega 4 að stærð

Enn einn skjálftinn ofan í kvöldmatinn – Höggið fannst víða um suðvesturhornið – Rúmlega 4 að stærð