fbpx
Föstudagur 22.október 2021
Fréttir

Svava hjólar í „mannvitsbrekkur“ í næsta herbergi – Sögðu Eyjamenn nauðga líkt og það væri íþrótt – „Þeir þurfa að svara fyrir þessi orð“

Jón Þór Stefánsson
Mánudaginn 5. júlí 2021 15:35

Samsett mynd

Ekki missa af Helstu tíðindum dagsins í pósthólfið þitt

Lesa nánar

Einskonar innanhúsátök virðast nú geisa innan veggja fjölmiðlasamsteypunnar Sýn, en íþróttafréttakona Stöðvar 2, Svava Grétarsdóttir, er ekki sátt við ummæli sem þeir Snæbjörn Brynjarsson og Heiðar Sumarliðason létu falla í hlaðvarpsþættinum Eldur og Brennisteinn, sem er gerður fyrir vef Vísis. Miðlarnir Vísir og Stöð 2 eru báðir reknir af fyrirtækinu Sýn.

Í gær var fjallað um nauðgunarmenningu og kynferðisbrot í sambandi við Þjóðhátíð í Vestmannaeyjum í hlaðvarpsþættinum. Þar fjölluðu Snæbjörn og Heiðar um málið, en þeir kölluðu til að mynda Herjólfsdal, staðinn sem hátíðin fer að mestu fram, „nauðgaradal.“

Ákveðin ummæli þeirra hafa þó vakið sérstaka athygli, þar sem þeir héldu því fram að það væri einskonar íþrótt hjá Eyjamönnum að nauðga konum sem kæmu frá meginlandi Íslands eða Evrópu, sérstaklega ef þær væru ofurölvi. Það sagði hann eftir að hafa rifjað upp ósmekklegt og gamalt textabrot þar sem nauðganir í Vestmannaeyjum voru dásamaðar.

„Það er eins og þetta sé einhver íþrótt innfæddra að nauðga konum sem koma frá meginlandinu.“

„Ekki í lagi!“

Svava Grétarsdóttir var ekki sátt við þessi ummæli. Í færslu sem hún birti á Twitter segir hún að sem dóttir, systir og vinkona Eyjamanna þyki henni ummælin ekki í lagi.

„Ótengt umræðunni sem er í gangi í þjóðfélaginu þá velti því fyrir mér hvort þetta sé bara í lagi? Að segja opinberlega að það sé þjóðarsport Eyjamanna að nauðga konum af meginlandinu? Sem dóttir, systir og vinkona Eyjamanna finnst mér þetta allavega ekki í lagi!“

Í ummælum við tístinu er Svava spurð út í hvar hún hefði heyrt ummælin og hvaða fólk hefði látið þau út úr sér og þá svaraði hún með nöfnum og mynd: „Heiðar Sumarliða og Snæbjörn Brynjarsson heita þessar mannvitsbrekkur.“

Ekki nóg með það heldur krafiðst Svava þess að Heiðar og Snæbjörn myndu svara fyrir orðin sem þeir létu falla: „[Þ]eir þurfa líka að svara fyrir þessi orð sín, svo mikið er víst.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Rekstrarstjóri Pablo Discobar í ótímabundið leyfi eftir blóðuga árás á gesti – „Við höfum ekkert umburðarlyndi fyrir svona“

Rekstrarstjóri Pablo Discobar í ótímabundið leyfi eftir blóðuga árás á gesti – „Við höfum ekkert umburðarlyndi fyrir svona“
Fréttir
Í gær

Ný rannsókn varpar ljósi á ferðir íslenskra víkinga í Norður Ameríku – Fær „Leif Erikson“ loksins frídaginn sem hann á skilið?

Ný rannsókn varpar ljósi á ferðir íslenskra víkinga í Norður Ameríku – Fær „Leif Erikson“ loksins frídaginn sem hann á skilið?