fbpx
Föstudagur 15.janúar 2021
Fréttir

Ósmekklegt grín gert að árásinni í Borgarholtsskóla – „Slakaðu á það dó enginn“

Máni Snær Þorláksson
Fimmtudaginn 14. janúar 2021 13:35

Til vinstri: Mynd/Anton Brink - Til hægri: Skjáskot úr athugasemdunum við myndbandið.

Ekki missa af Helstu tíðindum dagsins í pósthólfið þitt

Lesa nánar

Eins og alþjóð urðu harkaleg átök í Borgarholtsskóla í gær. Sex voru fluttir á slysadeild og þrjú ungmenni undir 18 ára aldri voru handtekin og eru nú í umsjón félagssþjónustunnar. Lögreglan rannsakar málið og ekki liggur fyrir fjöldi gerenda né orsakir átakanna.

„Slakaðu á, það dó enginn“

Þrátt fyrir að átökin hafi vakið óhug og hræðslu hjá mörgum í gær hafa einhverjir ákveðið að gera grín að þessum atburðum. Myndband eitt hefur vakið mikla athygli og gagnrýni á samfélagsmiðlinum TikTok en í myndbandinu er gert grín að árásinni. Tæplega 20 þúsund manns hafa horft á myndbandið þegar þessi frétt er skrifuð. Samkvæmt heimildum DV eru líka dæmi um að myndbandið sé í dreifingu á öðrum samfélagsmiðlum.

Notast er við upptöku af hnífabardaga úr tölvuleiknum Counter Strike: Global Offensive til að líkja eftir atburðum gærdagsins í Borgarholtsskóla. Myndbandið hefur sem von er farið misjafnlega ofan í þá sem hafa séð það á samfélagsmiðlinum, ekki allir eru sammála um hvort það sé í lagi að gera grín að svona atburðum, hvað þá svona skömmu eftir að þeir eiga sér stað.

„Of snemmt maður,“ segir einn notandi samfélagsmiðilsins í athugasemd við myndbandið og fleiri tóku undir. „Æji þetta er ekki neitt til að grínast með,“ sagði annar notandi. „Nei þetta má ekki,“ sagði svo enn annar.

Einhverjir ganga þó svo langt að telja grínið allt í lagi. „Slakaðu á, það dó enginn,“ sagði til dæmis einn. Þá mátti sjá mikið af hlæjandi tjáknum (e. emoji) í athugasemdunum við myndbandið.

Myndbandið sem um ræðir má sjá hér fyrir neðan:

@nonnabiti#fyp♬ original sound – NONNABITI

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Jón Rúnar dæmdur í fangelsi – Sagði að um ástarsamband hafi verið að ræða – Með metamfetamín við Árbæjarkirkju

Jón Rúnar dæmdur í fangelsi – Sagði að um ástarsamband hafi verið að ræða – Með metamfetamín við Árbæjarkirkju
Fréttir
Fyrir 2 dögum

Ósáttir við veru fréttamanns Stöðvar 2 í kringum Borgarholtsskóla – „Drullaðu þér í burtu, NÚNA!“

Ósáttir við veru fréttamanns Stöðvar 2 í kringum Borgarholtsskóla – „Drullaðu þér í burtu, NÚNA!“