fbpx
Þriðjudagur 04.ágúst 2020
Fréttir

Geymslutækni fornra íkorna gæti bjargað forðabúrum jarðar

Jóhanna María Einarsdóttir
Fimmtudaginn 9. júlí 2020 20:30

Ekki missa af Helstu tíðindum dagsins í pósthólfið þitt

Lesa nánar

Þökk sé forsjálni íkorna til forna náðu vísindamenn í Síberíu að rækta upp lífvænar Silene stenophylla plöntur frá 32.000 ára gömlum fræjum. Þessi ótrúlegi atburður átti sér stað árið 2012 og hefur í dag enn umtalsverð áhrif á vísindasamfélagið.

Nú gera austurrískir vísindamenn tilraunir til þess að kortleggja genamengi þessara fornu plantna og raðgreina erfðaefnið til þess að finna út hvers vegna fræ þeirra entust jafnlengi og þau gerðu. Í ljósi þess að rússneskur sífreri er að þiðna vilja þeir skoða hvað það er í genamenginu sem hjálpar fræjunum að haldast lífvænleg.

Þá eru vísindamenn sérstaklega að leita eftir aðlögunum fræjanna að mjög heitum, þurrum eða rökum aðstæðum sem gætu hjálpað þeim að skoða hvernig aðrar plöntur gætu varið sig gagnvart loftslagsbreytingum. „Að mínu mati ætti mannkynið að vera þakklátt fyrir hvern snefil af gögnum sem við uppgötvum sem gætu hjálpað okkur að halda hlífiskildi yfir landræktarsvæðum okkar,“ segir prófessor Margit Laimer, plöntu-líftæknifræðingur frá University of Natural Resources and Life Sciences í Vín. Þá gætu gögnin reynst vel í verkefnum eins og  Global Seed Vault á Svalbarða, sem stundum er nefnd Doomsday Vault, þar sem markmiðið er að varðveita fræ af matplöntum um ókomna tíð.

Fræin fundust árið 2007

Sagan af fornu plöntnum hófst fyrir þrettán árum síðan, eða árið 2007, þegar teymi rússneskra, ungverskra og bandarískra vísindamanna heimtu frosin fræ úr jörðu. Fræin voru grafin niður á rúmlega 38 metra dýpi í sífrera Síberíu. Teymið var að rannsaka fornar íkornaholur þegar þeir duttu niður á fræin. Aldin og fræ höfðu varðveist fullkomlega í holunum fyrir náttúruöflunum þökk sé geymslutækni íkornanna.

Ætli plöntusamfélagið á Internetinu færi ekki á hliðina ef græðlingar af þessari fornu plöntu færu í dreifingu?

„Íkornarnir grófu í frosna jörðina til það gera sér hreiður í jörðinni sem voru á stærð við fótbolta. Í hreiðrunum fundu vísindamennirnir lög af heyi, mammút, vísundum, og beinum loðinna nashyrninga. Úr varð hið fullkomna geymslurými,“ segir Stanislav Gubin, einn af rannsóknarteyminu sem rannsakaði holurnar. „Þetta er náttúrulegur smáfrerakælir.“

Flest fræjanna voru ónothæf, mögulega höfðu íkornarnir skemmt þau til að koma í veg fyrir að þau spíruðu. En á sumum fræjunum fannst lífvænlegur aldinvefur sem gerði vísindamönnum kleyft, fimm árum síðar, að rækta úr þeim Silene stenophylla. Plönturnar blómstruðu, voru frjóar og fjölguðu sér eðlilega. Þessar fornu plöntur voru ótrúlega líkar S. stenophylla plöntum sem vaxa víða í Síberíu í dag, en þó voru blómblöðin ólík á þeim sem prýðir nútímaútgáfuna.

Lesa má um verkefnið í birtri grein á netinu, á vefsíðu National Geographic og vefsíðunni My Modern Met.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Átta ný innanlandssmit
Í gær

Súr gúrka í eftirrétt Víðmelinga

Súr gúrka í eftirrétt Víðmelinga
Fréttir
Í gær

Segir ólíkt Konráð að láta ekki vita af sér

Segir ólíkt Konráð að láta ekki vita af sér
Fréttir
Fyrir 2 dögum

Ekki grímuskylda í Strætó – Mælt með grímunotkun ef vagn fyllist

Ekki grímuskylda í Strætó – Mælt með grímunotkun ef vagn fyllist
Fréttir
Fyrir 2 dögum

Smit virðist ekki vera útbreitt í samfélaginu

Smit virðist ekki vera útbreitt í samfélaginu
Fréttir
Fyrir 3 dögum

Upplýsingafulltrúi Strætó opnar sig um grímumálið: Stressandi dagar – Má bæta samskipti milli stofnana

Upplýsingafulltrúi Strætó opnar sig um grímumálið: Stressandi dagar – Má bæta samskipti milli stofnana
Fréttir
Fyrir 3 dögum

„Þetta er bara helvíti á jörðu“

„Þetta er bara helvíti á jörðu“
Fréttir
Fyrir 3 dögum

Hjúkrunarfræðingurinn Rut með mikilvæg skilaboð – „Getur verið að við sjálf höfum kannski sofnað á verðinum og orðið kærulaus?“

Hjúkrunarfræðingurinn Rut með mikilvæg skilaboð – „Getur verið að við sjálf höfum kannski sofnað á verðinum og orðið kærulaus?“
Fréttir
Fyrir 3 dögum

„Í góðu lagi að fara í sumarbústað um helgina“

„Í góðu lagi að fara í sumarbústað um helgina“