fbpx
Föstudagur 07.ágúst 2020
Fréttir

Engin Þjóðhátíð 2020 – Gríðarlega vel þeginn stuðningur að fá miðann ekki endurgreiddan

Ágúst Borgþór Sverrisson
Þriðjudaginn 14. júlí 2020 16:00

Frá setningu Þjóðhátíðar 2019. Mynd: Fréttablaðið/Óskar Friðriksson

Ekki missa af Helstu tíðindum dagsins í pósthólfið þitt

Lesa nánar

Þjóðhátíð í Eyjum 2020 hefur aflýst þetta árið vegna samkomutakmarkana sem stafa af kórónuveirufaraldrinum. Þjóðhátíð hefur verið gífurleg búbót fyrir íþróttaliðið ÍBV og kemur fram í tilkynningu frá formanni félagsins og Þjóðhátíðarnefndar að það yrði gríðarlega vel þeginn stuðningur við félagið ef fólk kýs að fá miðann sinn ekki endurgreiddan.

Þess má geta að þjóðhátíðarbrennan hefur þegar verið hlaðin en það verður ekki kveikt upp í henni.

Nýtt þjóðhátíðarlag verðu flutt í þættinum Brennslan á FM957 næstkomandi föstudag. Lagið heitir Takk fyrir mig og er eftir bræðurna Ingólf og Guðmund Þórarinssyni.

Fréttatilkynning frá ÍBV og Þjóðhátíðarnefnd um málið er eftirfarandi:

„Kæru Þjóðhátíðargestir

Allar götur síðan COVID-19 breiddist út hefur Þjóðhátíðarnefnd unnið að ýmsum sviðsmyndum og haft mikið og gott samráð við Almannavarnarnefnd í þeirri vinnu. Síðasta sviðsmynd sem við vorum með var setning hátíðar, ball fyrir 2.000 manns í Herjólfsdal og ein kvöldvaka þar sem dalnum yrði skipt í þrjú 2.000 manna svæði.

Þjóðhátíð 2020 aflýst

Eftir fréttir síðustu daga hefur verið ákveðið að blása hátíðina af með einu og öllu. ÍBV mun ekki standa fyrir einum einasta viðburði um Verslunarmannahelgina, hvort um sé að ræða dansleiki, tónleika, brennu, brekkusöng eða hvað eina. Með þessu viljum við sýna fulla ábyrgð og taka af allan vafa um að ÍBV muni standa fyrir viðburði sem kynni að storka fjöldatakmörkunum.

Öll hjálp vel þegin

Þjóðhátíð er gríðarlega mikilvæg fjáröflun fyrir barna- og unglingastarf ÍBV og er ein ástæða þess að félagið getur haldið úti jafn öflugu starfi í litlu samfélagi og raun ber vitni. Á vordögum fór af stað átak hjá nokkrum Eyjamönnum sem keyptu miða og skoruðu á aðra að gera slíkt hið sama, hvort sem Þjóðhátíð yrði haldin eða ekki og styrkja þannig ÍBV ef engin yrði hátíðin. Ef fólk kýs að fá miðann sinn ekki endurgreiddan er slíkur stuðningur gríðarlega vel þeginn á þessum erfiðu tímum í rekstri barna- og unglingastarfs og ljóst að slíkur stuðningur hvetur okkur áfram til góðra verka. Einnig verður áfram í boði að kaupa miða á Þjóðhátíð 2020 fyrir þá sem vilja styrkja félagið.

Þjóðhátíð 2021

Nú þegar er undirbúningur hafinn fyrir Þjóðhátíð 2021. Þeir sem keypt hafa miða á Þjóðhátíð 2020 mun gefast kostur á að flytja miðann á næsta ár, enda ljóst að miðaverð á Þjóðhátíð 2021 mun verða hærra en í ár.

Þjóðhátíðarlag 2020

Á föstudaginn mun Þjóðhátíðarlagið 2020 verða frumflutt í Brennslunni á FM957. Höfundar lags og texta eru bræðurnir Ingólfur og Guðmundur Þórarinssynir en Ingó hefur glætt Þjóðhátíð lífi síðustu ár eins og landsmenn þekkja. Lagið heitir Takk fyrir mig. Bræðurnir og Þjóðhátíðarnefnd voru algerlega sammála um að gefa út lagið þrátt fyrir þessi örlög.

Endurgreiðsla miða

Vinna við endurgreiðslukerfi er í fullum gangi og verður vel kynnt þegar endurgreiðslur munu hefjast, í síðasta lagi í lok þessa mánaðar. Fólk mun standa frammi fyrir þremur kostum; a) Að fá miðan endurgreiddann, b) að styrkja ÍBV um andvirði miðans, og c) að flytja miðann yfir á Þjóðhátíð 2021.

Að lokum viljum við þakka fyrir þá þolinmæði sem okkur hefur verið sýnd á þessum skrýtnu tímum. Sjáumst hress á Þjóðhátíð 2021, sem verður eflaust sú glæsilegasta sem sést hefur!

F.h. ÍBV og Þjóðhátíðarnefndar, Hörður Orri Grettisson“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 22 klukkutímum

Mikið um þjófnað á höfuðborgarsvæðinu – Hvatt til að fólk sé á varðbergi

Mikið um þjófnað á höfuðborgarsvæðinu – Hvatt til að fólk sé á varðbergi
Fréttir
Fyrir 22 klukkutímum

ÁTVR færir öryggismálin til Securitas

ÁTVR færir öryggismálin til Securitas
Fréttir
Í gær

Átak í gangi til að endurheimta stolið mótorhjól þýsks ferðamanns

Átak í gangi til að endurheimta stolið mótorhjól þýsks ferðamanns
Fréttir
Í gær

Óttast að aðstandendur þurfi að senda látna ástvini til útlanda

Óttast að aðstandendur þurfi að senda látna ástvini til útlanda
Fréttir
Í gær

Aðalmeðferð gegn Bjarna Ákasyni framundan – Ákærður fyrir skattsvik en ætlar sjálfur í skaðabótamál

Aðalmeðferð gegn Bjarna Ákasyni framundan – Ákærður fyrir skattsvik en ætlar sjálfur í skaðabótamál
Fréttir
Fyrir 2 dögum

Festi bíl í ánni og þurfti að klifra upp á þak

Festi bíl í ánni og þurfti að klifra upp á þak
Fréttir
Fyrir 2 dögum

Áhyggjur af hálu og blautu malbiki og of hröðum akstri – Segir hörmulegt slys á Kjalarnesi öllum í fersku minni

Áhyggjur af hálu og blautu malbiki og of hröðum akstri – Segir hörmulegt slys á Kjalarnesi öllum í fersku minni
Fréttir
Fyrir 2 dögum

Tvö ár síðan Sema Erla kærði Margréti fyrir hatursglæp – Gagnrýnir harkalega seinagang lögreglu

Tvö ár síðan Sema Erla kærði Margréti fyrir hatursglæp – Gagnrýnir harkalega seinagang lögreglu
Fréttir
Fyrir 2 dögum

Engar Músiktilraunir í ár

Engar Músiktilraunir í ár