fbpx
Föstudagur 07.ágúst 2020
Fréttir

Íslenskir bátar til grísku landhelgisgæslunnar

Heimir Hannesson
Föstudaginn 10. júlí 2020 17:00

mynd/aðsend

Ekki missa af Helstu tíðindum dagsins í pósthólfið þitt

Lesa nánar

Bátasmiðjan Rafnar Hellas afhenti í gær grísku landhelgisgæslunni nýjan Rafnar 1100 björgunarbát, þann fyrsta af tíu. Byggja bátarnir allir á íslenskri hönnun, en eru og verða framleiddir í Grikklandi. Össur Kristinsson stoðtækjasmiður stofnaði Rafnar árið 2005 og hefur fyrirtækið síðan hannað og selt þessa hraðskreiðu báta. Rafnar báturinn þykir öruggari fyrir áhöfn og farþega. Kjölurinn er síðari en á sambærilegum bátum og klýfur hann þannig ölduna betur. Samkvæmt Hauki Alfreðssyni, framkvæmdastjóra fyrirtækisins, eykur það „lyftið“ í bátnum sem verður fyrir vikið rásfastari í beygjum og dregur það jafnframt úr höggum á bátinn.

Forsætisráðherra Grikkja viðstaddur

Sjálfur forsætisráðherra Grikkja, Kyriakos Mitsotakis, tók fyrsta bátinn formlega í notkun í gær. Stefnt er að því að afhenda einn á mánuði þar til tíu hafa verið afhentir. Samningurinn þykir marka tímamót fyrir fyrirtækið en er líka athygliverður í ljósi þess að Grikkland er mikil siglingaþjóð. Egill Helgason sagði til að mynda á Facebook í gær: „Sjálfur Mitsotakis, forsætisráðherra Grikklands, tekur við bátnum sem er hannaður af Össuri Kristinssyni. Össur er einn stórbrotnasti maður sem ég hef kynnst. Þetta er ekki smá viðurkenning, því Grikkir þekkja sjó og siglingar þjóða best,“ og kemst þar ágætlega að orði. Grikkland er vissulega vagga úthafssiglinga í Evrópu og sjálfsagt viðurkenning fyrir fyrirtækið unga og íslenska að landhelgisgæsla Grikkja skuli velja íslenska hönnun í sín krefjandi verkefni.

Rafnar-1100 bátarnir eru búnir skotheldu stýrishúsi, gluggum og hurðum og verða notaðir af grísku landhelgisgæslunni í eftirlits og björgunarstörf. Bátarnir eru útbúnir öflugum nætursjónaukum og tveimur Mercury utanborðsmótorum og kemst á 50 hnúta hraða, eða um 92 km/klst á sjó.

Fjölskyldan stækkar

Fyrr í júlí tilkynntu Rafnar Maritime stækkun í Rafnar-fjölskyldunni og kynntu til leiks Rafnar 1430. Segir í tilkynningunni:

Rafnar 1430 líkt og aðrir bátar sem byggja á hönnun Össurar Kristinssonar er með afburða sjóhæfni, yfir 30 sjómílna ganghraða og 2 x 588KW aðalvélar. Hraðasvið er stórt og eyðsla á „raunvinnu-hraða“ er lítil, einkum á 8-16 sjómílum en jafnframt líka á hraðasviðinu 16-28 sjómílur. Þannig nýtir skipið einstaka hæfileika ÖK skrokksins til þess að lágmarka eyðslu án þess að fórna hraða eða stýrishæfni.

Hægt verður að útfæra Rafnar 1430 eftir þörfum viðskiptavina að ýmsu leiti, t.d. með léttbát og krana á afturskipi auk akkeris. „Við erum rígmontin af hinum nýja Rafnar 1430 og getum vart beðið eftir að sjá hann sigla kringum Ísland og um heimsins höf,“ segir í tilkynningu Rafnar. Sjá má fleiri myndir af afhendingu Rafnar-1100 í Grikklandi í gær og teikningar af Rafnar 1430 bátunum hér að neðan.

 

mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
mynd/aðsend
Rafnar 1430 mynd/facebook.com
Rafnar 1430 mynd/facebook.com
Rafnar 1430 mynd/facebook.com
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 21 klukkutímum

Níð gegn menntamálaráðherra í Facebook-hóp um íslenska tungu ofbýður prófessor

Níð gegn menntamálaráðherra í Facebook-hóp um íslenska tungu ofbýður prófessor
Fréttir
Fyrir 23 klukkutímum

Mikið um þjófnað á höfuðborgarsvæðinu – Hvatt til að fólk sé á varðbergi

Mikið um þjófnað á höfuðborgarsvæðinu – Hvatt til að fólk sé á varðbergi
Fréttir
Fyrir 2 dögum

Rúmlega 70% íslenskra barna fæðast utan hjónabands

Rúmlega 70% íslenskra barna fæðast utan hjónabands
Fréttir
Fyrir 2 dögum

Tvö ár síðan Sema Erla kærði Margréti fyrir hatursglæp – Gagnrýnir harkalega seinagang lögreglu

Tvö ár síðan Sema Erla kærði Margréti fyrir hatursglæp – Gagnrýnir harkalega seinagang lögreglu