Kickstarter-bræðurnir, Einar Ágústsson og Ágúst Arnar Ágústsson, hafa stofnað nýtt fyrirtæki, Megn ehf. Tilgangur félagsins mun meðal annars vera veitingarekstur, lánastarfsemi, verslunarrekstur og kaup og sala eigna.
Einar var fundinn sekur um að svíkja tugi milljóna af fjórum einstaklingum árið 2017. Í dómnum kom fram að hann ætti sér engar málsbætur.
Hann og bróðir hans, Ágúst, hófu safnanir fyrir nýsköpunarverkefni á bandarísku hópfjármögnunarsíðunni Kickstarter, en söfnuninni var skyndilega lokað eftir að sérstakur saksóknari hóf að rannsaka þá bræður, en í kjölfarið hlaut Einar þungan dóm. Hann mun fara með prókúruumboð á Megn ehf. sem og gegna stöðu framkvæmdastjóra.
Bræðurnir stofnuðu einnig trúfélagið Zúistar sem hefur fengið á sig harða gagnrýni undanfarin ár