fbpx
Laugardagur 30.maí 2020
Fréttir

Gísli Gunnarsson er látinn: „Við kveðjum í dag góðan félaga með tár á hvarmi“

Ágúst Borgþór Sverrisson
Fimmtudaginn 9. apríl 2020 08:37

Ekki missa af Helstu tíðindum dagsins í pósthólfið þitt

Lesa nánar

Gísli Gunnarsson, doktor í sagnfræði og prófessor við Háskóla Íslands, er látinn, 82 ára að aldri.

Gísli lét mikið að sér kveða í þjóðfélagsumræðunni og var virkur í pólitísku starfi, fyrst í Alþýðubandalaginu og síðar í Samfylkingunni.

Gísli var fjölfróður og skemmtilegur samræðufélagi og síðustu árin var hann ötull þátttakandi í lifandi umræðu á samfélagsmiðlum. Ingibjörg Stefánsdóttir minnist Gísla með þessum orðum á Facebook:

„Gísli Gunnarsson er fallinn frá. Það var alltaf gaman að spjalla við Gísla og hér á facebook var sérlega áhugavert að fylgjast með því hvernig hann rökræddi hér, sýndi þolinmæði og umburðarlyndi fyrir flestu nema illmælgi og því að kunna ekki að fara með heimildir. Hann hélt áfram að kenna, þó hann væri formlega orðinn prófessor emeritus en ekki lengur sagnfræðiprófessor við Háskóla Íslands. Gísli var einn þeirra sem maður hitti gjarnan á vikulegum fundum Samfylkingarfélagsins í Reykjavík en hann átti það líka til að koma í Friðarhús að hitta aðra hernaðarandstæðinga. Svo var hann líka einn af stofnendum Siðmenntar. Góður maður, sósíaldemókrati, friðarsinni, fræðimaður, afi og lærifaðir. Hans verður sárt saknað.“

Stefán Pálsson sagnfræðingur minnist einnig Gísla:

„Gísli Gunnarsson prófessor í sagnfræði er víst látinn. Það er sorgarfregn. Ég kynntist Gísla í Alþýðubandalaginu og lærði margt af honum um pólitík. Í sagnfræðinni í Háskólanum var hann eftirlætiskennarinn minn – raunar vorum við nokkrir félagarnir uppnefndir „drengirnir hans Gísla“ af þeim sem fannst nóg um vinfengi okkar. Þar sem ég var fulltrúi í sagnfræðiskor og stjórn heimspekideildar var Gísli haukur í horni og fylgdi stúdentum frekar en kennarastofunni í ýmsum málum. Fyrir utan fræðin og pólitíkina tókst með okkur góð persónuleg vinátta. Ég mun sakna hans mikið.“

Gísli var einn af stofnendum Siðmenntar og er hans minnst á vefsíðu félagsins:

„Gísli Gunnarsson, prófessor emeritus í sagnfræði við Háskóla Íslands og einn af stofnfélögum Siðmenntar, er látinn 82 ára að aldri.

Gísli var ötull talsmaður Siðmenntar frá upphafi og eftir hann liggja fjölmargar blaðagreinar um málstað félagsins. Þá hélt hann fyrirlestra um húmanisma og þýddi Stefnuyfirlýsingu húmanista yfir á íslensku. Gísli var einnig í fremstu víglínu hinnar áralöngu baráttu Siðmenntar fyrir því að fá formlega lagalega skráningu sem lífsskoðunarfélag, til jafns við trúfélög í landinu.

Árið 2008 var Gísli útnefndur heiðursfélagi Siðmenntar fyrir vönduð og óeigingjörn störf og mikilvægt framlag í þágu húmanisma á Íslandi. Hann var virkur í starfi Siðmenntar alla tíð, bæði sem stjórnarmaður um tíma og sem almennur félagsmaður seinni ár. Gísli gegndi stöðu varaformanns um skeið og var formaður félagsins um tíma.

Síðustu ár var Gísli skoðunarmaður reikninga félagsins, sem var staða sem hann leysti með sóma, enda með glöggt auga fyrir tölum.

Við kveðjum í dag góðan félaga með tár á hvarmi, og sendum aðstandendum Gísla, ættingjum og vinum, okkar allra dýpstu samúðarkveðjur.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 14 klukkutímum

2,5 milljón króna verðlaun í stærsta hakkaþoni Íslandssögunnar

2,5 milljón króna verðlaun í stærsta hakkaþoni Íslandssögunnar
Fréttir
Í gær

„Það er ekkert smekklausara en þegar að smitsjúkdómalæknir reynir að vera fyndinn!“

„Það er ekkert smekklausara en þegar að smitsjúkdómalæknir reynir að vera fyndinn!“
Fréttir
Í gær

Dóra Björt beðin um afsökunarbeiðni – „Þessar ásakanir eiga sér auðvitað enga stoð í raunveruleikanum“

Dóra Björt beðin um afsökunarbeiðni – „Þessar ásakanir eiga sér auðvitað enga stoð í raunveruleikanum“
Fréttir
Í gær

Einar útskýrir hvers vegna hann kallaði Kára ruglaðan: „Þetta var ekki illa meint“

Einar útskýrir hvers vegna hann kallaði Kára ruglaðan: „Þetta var ekki illa meint“
Fréttir
Í gær

Neyðarlínan kölluð á teppið – „Almenningur á skilið að það sé hlustað og brugðist við“

Neyðarlínan kölluð á teppið – „Almenningur á skilið að það sé hlustað og brugðist við“
Fréttir
Fyrir 2 dögum

Fjórir handteknir í Garðabæ

Fjórir handteknir í Garðabæ
Fréttir
Fyrir 2 dögum

Héraðsdómur nafngreinir ungan mann í viðkvæmu kynferðisbrotamáli

Héraðsdómur nafngreinir ungan mann í viðkvæmu kynferðisbrotamáli
Fréttir
Fyrir 2 dögum

Meintur barnaníðingur liðlega tvítugur – Níðingar á öllum aldri segir sérfræðingur

Meintur barnaníðingur liðlega tvítugur – Níðingar á öllum aldri segir sérfræðingur
Fréttir
Fyrir 3 dögum

Segir að COVID-19 prófið fyrir ferðamenn verði að vera ókeypis fyrir þá

Segir að COVID-19 prófið fyrir ferðamenn verði að vera ókeypis fyrir þá
Fréttir
Fyrir 3 dögum

Útlit fyrir að Íslensk erfðagreining muni bjarga sýnatöku ferðamanna

Útlit fyrir að Íslensk erfðagreining muni bjarga sýnatöku ferðamanna