Karlmaður var í Héraðsdómi Reykjavíkur í dag dæmdur í tveggja ára fangelsi, þar af 27 mánuði skilorðsbundið, fyrir gróf kynferðisbrot gegn fyrrverandi kærustu sinni. Maðurinn þurfti einnig að greiða konunni 1.995.000 krónur, ásamt vöxtum, auk 2.495.796 króna í sakarkostnað ríkissjóðs sem innihalda laun verjanda og réttargæslumanna.
Ákæran var í fjórum liðum, og hver liður lýsir ákveðnu atviki, sem áttu sér stað í febrúar og mars árið 2017. Öll meint atvik áttu sér stað þegar að kærastan var sofandi. Í tveimur af þessum liðum var maðurinn kærður fyrir nauðgun, í hinum tveimur fyrir brot gegn blygðunarsemi.
Í fyrsta atvikinu á maðurinn að hafa klætt sofandi kærustuna úr nærbuxunum sínum, fjarlægt túrtappa úr leggöngum hennar og í kjölfarið nauðgað henni. Fram kemur í dómnum að sá ákærði hafi notfært sér svefndrunga kærustunnar sem gat ekki spornað við verknaðinum.
Í öðru atvikinu, sem átti sér stað daginn eftir fyrra atvikið, á maðurinn að hafa klætt sofandi kærustuna aftur úr nærbuxunum. Hann á svo að hafa fróað sér yfir henni, þannig að hún fékk sæði hans yfir líkama sinn þegar hann hafði lokið sér af.
Í þriðja atvikinu á maðurinn enn og aftur að hafa klætt sofandi kærustuna úr nærbuxunum og í kjölfarið hafið að nauðga henni í gegnum endaþarm, en hætt þegar að kærastan hans vaknaði við að getnaðarlimur hans var í endaþarmi hennar.
Í fjórða og síðasta atvikinu á maðurinn að hafa fróað sér yfir höfði sofandi kærustunnar, þannig að hún fékk sæði hans yfir andlit og hár sitt. Einnig á hann að hafa tekið það atvik upp á símann sinn.
Stuttu eftir seinasta atvikið hætti parið saman og í kjölfarið gaf konan kæruskýrslu til lögreglu.
Þá hefur maðurinn einnig gefið skýrslu til lögreglu í maí 2017. Hann á þar að hafa viðurkennt tvö brotanna, en neitað hinum. Í þeim sem hann neitaði sagði hann að konan hafi annars vegar verið sofandi og hins vegar hafi eitt atvikið verið ruglingur við annað atvik.
Þá skilaði brotaþoli inn hljóðupptökum frá símtölum hennar og mannsins, sem áttu sér stuttu eftir sambandsslitin. Þar á maðurinn bæði að hafa viðurkennt að hafa brotið á konunni og sagst meðvitaður um að símtölin væru tekin upp. Maðurinn viðurkenndi að símaupptökunum mætti heyra rödd hans og brotaþolans.
Lögreglan á þá að hafa lagt hald á tölvubúnað, síma og myndvélir þess ákærða, með samþykki hans. Þó skilaði sú rannsókn engu samkvæmt skýrslum lögreglu.
Í skýrslu brotaþola kom ýmislegt fram. Til dæmis á jarðarför ömmu hennar að hafa farið fram daginn fyrir fyrsta brotið. Sá ákærði á að hafa játað það að hafa fróað sér þannig að sæðið fór yfir hana nokkrum dögum eftir verknaðinn, en séð ekkert athugavert við það. Hann á þá einnig að hafa afsakað gjörðir sýnar með því að líkja sér við ákveðin narsisista, sem þau höfðu kynnt sér á netinu.
Í skýrslu brotaþola kemur einnig fram að hún hafi fundið fyrir mikilli vanlíðan, fengið kvíðaköst, átt erfitt með að treysta fólki og ekki getað sinnt samskiptum við annað fólk. Hún væri komin skammt á veg með úrvinnslu mála sinna og væri nú búin að vera í veikindaleyfi í marga mánuði.
Mörg vitni voru í málinu þar má nefna systur, móður, föður, vinkonu, vini, heimilislækni, hjúkrunarfræðing og viðurkenndan meðferðaraðila, félagsráðgjafa og sálfræðingur brotaþola. Auk þeirra voru móðir, vinir og sálfræðingur þess ákærða einnig vitni.
Einn vinur ákærða sagðist muna eftir honum grínast með að brotaþoli svæfi svo fast að hægt væri að nauðga henni.
Líkt og áður segir var maðurinn dæmdur í tveggja ára fangelsi, þar af 27 mánuði skilorðsbundið. Maðurinn þurfti einnig að greiða konunni 1.995.000 krónur, ásamt vöxtum, auk 2.495.796 króna í sakarkostnað ríkissjóðs sem innihalda laun verjanda og réttargæslumanna.