Mánudagur 30.mars 2020
Fréttir

Íslensk móðir í öngum sínum – Enginn styrkur til að kaupa nauðsynjar: „Auðvitað er þetta ákveðið högg“

Ritstjórn DV
Laugardaginn 29. febrúar 2020 09:00

Ekki missa af Helstu tíðindum dagsins í pósthólfið þitt

Lesa nánar

„Ferlið er þannig að ég fer með börnin til bæklunarlæknis sem skrifar að þau þurfi sérútbúna inniskó með innleggjum vegna fótleggja þeirra. Ég og fleiri foreldrar hafa fengið styrk vegna kaupa á þessu. Nú hins vegar var gerð breyting á reglugerðinni um styrki vegna hjálpartækja, sem tóku gildi 1. janúar á þessu ári.“

Svo mælir móðir á fertugsaldri, sem kaus að halda nafnleynd, en tvö af hennar börnum þurfa hjálpartæki og öll þurfa innlegg fyrir skóna sína. Í kjölfar þessara breytinga á reglugerðum fær hún synjun á allar umsóknir sínar þar sem ekki er heimilt að greiða styrki til kaupa á tilbúnum framleistaspelkum vegna sjúkdómsgreiningar sem fram kemur í læknisvottorði. Móðirin segir breytingarnar ekki boðlegar í ljósi þess að barnafjölskyldur þurfi að greiða meira fyrir þessi hjálpartæki.

„Þetta þýðir að ég þarf að greiða í kringum hundrað þúsund krónur fyrir þessi hjálpartæki, en ef ég fengi styrk þá væri upphæðin í kringum þrjátíu þúsund krónur. Þess má geta að fætur barna stækka ört og þarf stundum að kaupa tvö pör af inniskóm tvisvar á ári og eins með innleggin og eru því þetta orðnar verulegar upphæðir.“

Móðirin segir það ekki ásættanlegt að börnin þurfi að bíða svona eftir þeim tækjum sem þau þurfa til að þeim líði vel.

Stoðtækjafræðingar ósammála

DV hafði samband við tvo stoðtækjafræðinga en sökum hagsmunaáreksturs vildu þeir ekki birta nöfn sín. „Það er auðveldara að laga skekkjur hjá börnum og hefur afraksturinn verið mjög góður í gegnum árin,“ segir einn þeirra. „Foreldrarnir tala um að börnin sofi betur og það sé mikil breyting. Allt hefur verið vænlegra til árangurs þegar börnin nota fæturna og liðböndin. En núna 1. janúar gekk í gegn þessi reglugerðarbreyting sem hefur óneitanlega reynst foreldrum mikið högg. Þetta kostar allt sitt og með skólum og slíku eru foreldrar ekki alltaf með getu til að leggja út fyrir þessu tvisvar á ári, sem stundum þarf til að sjá jákvæðan árangur hjá börnum.“

Þá segir annar stoðtækjafræðingur að reglugerðin vísi í rannsókn sem sýni fram á lítinn árangur með þessum tækjum, en þessu eru læknarnir afar ósammála.

„Ég veit ekki á hverju þessi rannsókn byggist en við í stoðtækjafræðinni erum í rauninni allir sammála um að árangurinn hafi verið góður,“ segir einn og bætir við: „Þetta tengist einfaldlega allt sparnaði. Auðvitað er þetta ákveðið högg fyrir fyrirtækin, en þetta er auðvitað hræðilegt fyrir foreldra sem fá þarna einhvern bunka af synjunum og skilja ekkert hvað er í gangi. Margir hverjir hafa séð svo miklar breytingar á börnunum sínum og allt í einu í miðri meðferð er skorið á þetta. Það er það sem er mest truflandi við þetta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Eldur í íbúðarhúsi á Stokkseyri

Eldur í íbúðarhúsi á Stokkseyri
Fréttir
Fyrir 2 dögum

Útgöngubann í Paradís – „Þetta er  hundleiðinlegt til lengdar“

Útgöngubann í Paradís – „Þetta er  hundleiðinlegt til lengdar“
Fréttir
Fyrir 3 dögum

Faraldurinn mun koma verst niður á Afríku

Faraldurinn mun koma verst niður á Afríku
Fréttir
Fyrir 3 dögum

Dæmdur búðarþjófur fær uppreisn æru

Dæmdur búðarþjófur fær uppreisn æru
Fréttir
Fyrir 3 dögum

Íslensk áróðurssíða fær á baukinn fyrir innlegg um COVID-veiruna – „Setja allt á hausinn sem þeir koma nálægt“

Íslensk áróðurssíða fær á baukinn fyrir innlegg um COVID-veiruna – „Setja allt á hausinn sem þeir koma nálægt“
Fréttir
Fyrir 3 dögum

Almannavarnir fá toppeinkunn hjá þjóðinni – Ánægja með viðbrögð við COVID-19

Almannavarnir fá toppeinkunn hjá þjóðinni – Ánægja með viðbrögð við COVID-19