fbpx
Laugardagur 04.apríl 2020
Fréttir

Fyrrverandi þingmaður varar við sölu Íslandsbanka: Eru allir búnir að gleyma þessu?

Ritstjórn DV
Mánudaginn 24. febrúar 2020 09:11

Ekki missa af Helstu tíðindum dagsins í pósthólfið þitt

Lesa nánar

„Ósköp þótti mér dapurt, að heyra forsætisráðherra lýsa því yfir í sjónvarpi, að hún vildi selja Íslandsbanka. Þessi banki hefur lengi verpt gulleggjum fyrir ríkissjóð.“

Svona hefst færsla sem Árni Gunnarsson, þingmaður til margra ára, skrifaði á Facebook, á dögunum og hefur vakið talsverða athygli. Miðjan fjallaði fyrst um pistilinn.

Þar skrifar Árni um hugsanlega sölu á hlut ríkisins í Íslandsbanka. Nokkuð hefur verið rætt um þetta en Katrín Jakobsdóttir forsætisráðherra sagði fyrir skemmstu að skynsamlegt væri að selja hluti og nota ágóðann í fjárfestingar í innviðum.

Árni Gunnarsson, sem átti sæti á Alþingi fyrir Alþýðuflokkinn á árunum 1978 til 1983 og aftur á árunum 1987 til 1991, lýst illa á þessa hugmynd.

„Eru allir búnir að gleyma hvernig fór fyrir Búnaðarbanka og Landsbanka forðum daga. Tveir menn keyptu Búnaðarbanka á röngum forsendum. Þeir þurftu ekki að leggja fram krónu úr eigin vösum og hirtu um 90 milljónir dollara fyrir vikið. Á svipaðan hátt náðu nokkrir einstaklingar í Landsbankanna,“ segir hann og bætir við að það gleymist að hlutur ríkisins í þessum bönkum er eignarhlutur þjóðarinnar.

„Kaupendur þessara banka komu úr Framsóknar- og Sjálfstæðisflokki. – Gamla helmingaskiptareglan í fullu gildi. – Og hverjir munu kaupa Íslandsbanka og hirða öll gullegginn. Það verða fjársterkir einstaklingar, sem líklega verða handvaldir. – Við gleymum því, að hlutur ríkisins í þessum tveimur bönkum, er eignahlutur þjóðarinnar. Forsætis- og fjármálaráðherra segjast ætla að nota andvirði bankanna til að efla og auka innviði lands og þjóðar. – Hagnaðurinn af sölu Símans átti að fara í Landspítalann. Það fór ekki króna þangað. Peningurinn hvarf eins og dögg fyrir sólu. – Sala á Íslandsbanka og Landsbanka leggst illa í mig. Báðir hafa þessir bankar skilað stórum fjárhæðum í sameiginlegan sjóð þjóðarinnar. Fjáraflamenn sjá ofsjónum yfir því, að gulleggin bæti hag almennings. Þeir vilja eignast varphænurnar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Margrét Gnarr sýnir hvernig er hægt að æfa með ferðatösku

Margrét Gnarr sýnir hvernig er hægt að æfa með ferðatösku
Fréttir
Í gær

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“
Fréttir
Fyrir 3 dögum

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring
Fréttir
Fyrir 3 dögum

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“