fbpx
Mánudagur 18.janúar 2021
Fréttir

Máli íslenskrar fjölskyldu gegn Norwegian Air vísað frá dómi – Fjölskyldan var rekin út úr flugvélinni

Ágúst Borgþór Sverrisson
Fimmtudaginn 3. desember 2020 16:15

Vél frá Norwegian. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Fimm manna íslensk fjölskylda höfðaði mál gegn Norwegian Air Shuttle ASA fyrir Héraðsdómi Reykjaness sem vísaði málinu frá í gær. Fólkið krafðist þessa að norska flugfélagið borgaði þeim hverju fyrir sig 500 þúsund krónur í miskabætur. Þá var einnig krafist tæplega 125 þúsund króna í kostnað vegna leigubílaferða, gistingar og flugferða sem fjölskyldan þurfti að kaupa sér sjálf eftir að fólkinu var vísað frá borði.

Fjölskyldan keypti sér flugfar með Norwegian Air frá Alicante til Keflavíkur. Var starfsmaður Norwegian upplýstur um að tveir fjölskyldumeðlimir þyrftu á aukinni aðstoð að halda. Vegna veðuraðstæðna var ekki unnt að lenda flugvél Norwegian á flugvellinum í Keflavík og því var vélinni snúið aftur til Alicante með millilendingu í Edinborg. Að sögn fólksins var litla þjónustu áhafnar þar að hafa og til dæmis var klósettpappír uppurinn á salernum flugvélarinnar. Synir fólksins voru orðnir illa haldnir, að sögn foreldranna, en áhöfn hafi neitað fólkinu um að koma þeim undir læknishendur. Einn úr hópnum hafi þá misst stórn á skapi sínu og slegið í sætið fyrir framan sig. Það varð til þess að fjölskyldunni var vísað frá borði.

Miskabótakrafa fólksins byggir á því að það hafi verið niðurlægjandi framkoma að vísa þeim frá borði sem hafi valdið þeim vanlíðan. Ofan á þetta leggst kostnaðarkrafa vegna þess að fólkið varð að útvega sér sjálft far heim frá Edinborg.

Norwegian Air krafðist frávísunar málsins, annars vegar vegna þess að ekki ætti að reka það í íslenskri lögsögu þar sem hinn stefndi aðili væri ekki íslenskur og atvikið sem kært er út af hafi ekki átt sér stað á Íslandi. Gildi þá einu þó að stefnendur séu íslenskir.

Auk þess höfnuðu Norðmennirnir kröfunni á þeim forsendum að hún sé óskýr, þ.e. hinn tilfinningalegi miski vegna brottrekstrar frá borði.

Héraðsdómur Reykjaness tók undir kröfu Norwegian Air og vísaði málinu frá dómi. Auk þess þarf fólkið að greiða flugfélaginu 250.000 krónur í málskostnað.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Smitin á landamærum rjúka upp aftur en Víðir er bjartsýnn – „Af þessum 14 voru 12 íslenskar kennitölur“

Smitin á landamærum rjúka upp aftur en Víðir er bjartsýnn – „Af þessum 14 voru 12 íslenskar kennitölur“
Fréttir
Í gær

Íslendingar kláruðu Alsír í fyrri hálfleik

Íslendingar kláruðu Alsír í fyrri hálfleik
Fréttir
Fyrir 2 dögum

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu
Fréttir
Fyrir 2 dögum

Orðið á götunni: Til í launalækkun fyrir Guðna forseta

Orðið á götunni: Til í launalækkun fyrir Guðna forseta
Fréttir
Fyrir 2 dögum

Starfskona í Ráðherrabústaðnum sakar Jón Baldvin um áreitni og skemmdarverk

Starfskona í Ráðherrabústaðnum sakar Jón Baldvin um áreitni og skemmdarverk
Fréttir
Fyrir 3 dögum

Tekist á um öryggi í framhaldsskólum eftir árás í Borgó

Tekist á um öryggi í framhaldsskólum eftir árás í Borgó
Fréttir
Fyrir 3 dögum

Lilja segir að aðstæðurnar í Borgarholtsskóla hafi verið grafalvarlegar

Lilja segir að aðstæðurnar í Borgarholtsskóla hafi verið grafalvarlegar