fbpx
Fimmtudagur 26.nóvember 2020
Fréttir

Geirfinnsmálið: Kristján Viðar og Tryggvi Rúnar töpuðu fyrir ríkinu

Ágúst Borgþór Sverrisson
Þriðjudaginn 20. október 2020 17:00

Geirfinnur Einarsson hvarf 19. nóvember 1974. Hann hefur aldrei fundist og málaferli vegna sakfellinga í máli hans standa enn yfir.

Ekki missa af Helstu tíðindum dagsins í pósthólfið þitt

Lesa nánar

Héraðsdómur sýknaði í dag ríkið af skaðabótakröfum Kristjáns Viðars Júlíussonar og Tryggva  Rúnars Leifssonar en þeir eru meðal sakborninga í Geirfinnsmálinu, sem sakfelldir voru fyrir morð á áttunda áratugnum en voru sýknaðir við upptöku málsins árið 2017.

Báðir gerðu kröfu um 1,6 milljarða króna miskabætur en mennirnir sátu í ógnarlangri einangrun auk þess að afplána margra ára fangelsisdóma.

Tryggvi Rúnar er látinn en eftirlifandi ættingjar hans höfðu þegar fengið greiddar 171 milljón króna í skaðabætur. Kristján Viðar hafði fengið greiddar 204 milljónir í skaðabætur. Báðir stefnendur þurfa hvor um sig að greiða eina og hálfa milljón króna í málskostnað. Í máli Tryggva Rúnars var sýknudómur reistur á 2. málgsrein 16. greinar laga um meðferð einkamála. Þar segir að varnir byggðar á aðildarskorti leiði til sýknu ef fallist er á þær. Skort hafi á röksemdir um að dánarbú Tryggva Rúnars sé aðili að málinu.

Ríkið var hins vegar sýknað í máli Kristjáns Viðars á þeim forsendum að hann hafi þegar fengið greiddar yfir 200 milljónir í skaðabætur sem ætlaðar voru til að mæta fjártjóni, miska og öðru tjóni sem hann kann að hafa orðið fyrir. Í dómnum er Kristján Viðar einnig gerður að hluta til ábyrgur fyrir lengd rannsóknar og röngum dómi með því að hafa gefið rangar upplýsingar um hvarf Geirfinns við lögregluyfirheyrslur.

 

 

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Óánægja meðal íbúa Langholtshverfis vegna konu á götuhorni – „Þessi kona er algjört fífl“

Óánægja meðal íbúa Langholtshverfis vegna konu á götuhorni – „Þessi kona er algjört fífl“
Fréttir
Fyrir 21 klukkutímum

Smit innan þríeykisins – Víðir með Covid-19

Smit innan þríeykisins – Víðir með Covid-19
Fréttir
Í gær

Sjö greindust í gær

Sjö greindust í gær
Fréttir
Í gær

Tólf konur myrtar á Íslandi og konum refsað eftir að hafa verið neyddar til að flytja fíkniefni

Tólf konur myrtar á Íslandi og konum refsað eftir að hafa verið neyddar til að flytja fíkniefni
Fréttir
Í gær

Starfsmaður Akureyrarbæjar sagður hafa neytt 11 ára dreng úr bol og buxum og slegið hann í andlit

Starfsmaður Akureyrarbæjar sagður hafa neytt 11 ára dreng úr bol og buxum og slegið hann í andlit
Fréttir
Í gær

Segja Guðmund hafa selt Jóni lagerinn á spottprís skömmu fyrir gjaldþrot – Kennitöluflakksmál óalgeng í kerfinu

Segja Guðmund hafa selt Jóni lagerinn á spottprís skömmu fyrir gjaldþrot – Kennitöluflakksmál óalgeng í kerfinu