36 ný smit greindust í gær og var um helmingur þeirra utan sóttkvíar. Fjölgaði þeim sem liggja á sjúkrahúsi um 4 síðan í fyrradag. DV sagði frá því að 3 hefðu lagst inn á sjúkrahús í gær til viðbótar við þá sem fyrir voru og tveir eru nú á gjörgæslu.
Nýgengi smita heldur áfram að hækka og er nú 145 smit á hverja 100.000 íbúa á Íslandi. Það er hæst allra Norðurlanda.
Ísland fór í dag á rauðan lista þýskra stjórnvalda og eru íslenskir ferðamenn nú ekki velkomnir þangað. Sama á við um Bretland.
Upplýsingafundur Almannavarna hefur verið boðaður í dag, en var frestað til klukkan 15:00 vegna beinnar útsendingar af setningu Alþingis.