Allmargir hafa verið kærðir fyrir umferðalagabrot í umdæmi lögreglunnar á Suðurnesjum á síðustu dögum. Sautján ára ökumaður mældist á 147 kílómetra hraða á Reykjanesbraut og ók hann hraðast þeirra sem kærðir voru fyrir hraðakstur.
Í skeyti frá lögreglunni á Suðurnesjum kemur fram að ökumannsins unga bíði sektargreiðsla upp á 210 þúsund og ökuleyfissvipting í einn mánuð. Lögregla tilkynnti forráðamanni hans um atvikið. Þá voru fáeinir teknir úr umferð vegna gruns um vímuefnaakstur.