„Við virðumst ekki vera með útbreitt smit í samfélaginu,“ sagði Þórólfur Guðnason sóttvarnalæknir á upplýsingafundi dagsins um kórónuveirufaraldurinn. Byggir Þórólfur þetta mat sitt á því að Íslensk erfðagreining hefur skimað af handahófi um 4.000 manns frá því rétt fyrir síðustu mánaðamót og aðeins þrír hafa reynst smitaðir.
Á hinn bóginn hafa flest smit undanfarið verið úr annarri af tveimur hópsýkingum sem hér urðu fyrir skömmu og ekki hefur tekist að rekja þau smit öll. Bendir staða þessa máls til þess að smit úr þessari sýkingu séu að dreifast nokkuð um samfélagið.
Níu innanlandssmit greindust í gær. Af þeim var aðeins einn í sóttkví.
Virk smit á landinu eru nú 90. 750 eru í sóttkví. Enginn er lengur á sjúkrahúsi en sá maður sem undanfarið hefur legið á Landspítalanum með veikina er nú útskrifaður.
Í gær voru um 1.100 skimaðir á landamærum og greindist ekkert smit. Um 111.000 farþegar hafa komið til landsins síðan 15. júní og hafa 75.000. 27 hafa greinst með virk smit og 100 með gömul smit.