Um miðnætti var lögreglunni tilkynnt um mann með hníf í miðborginni. Hann reyndist vera í annarlegu ástandi og var handtekinn og vistaður í fangageymslu. Mótorhjólaslys varð á kvartmílubrautinni í Hafnarfirði. Einn var fluttur á slysadeild og er talið að ekki hafi verið um alvarleg meiðsl að ræða.

Grjót féll af vörubifreið á fólksbifreið á Reykjanesbraut í gær. Skemmdir urðu á fólksbifreiðinni. Einn ökumaður var handtekinn í gær grunaður um ölvun við akstur. Hann hafði lent í umferðaróhappi.

Í heildina sinnti lögreglan 55 verkefnum frá klukkan 17 í gær þar til klukkan 5 í nótt. Þar af voru mörg verkefni vegna kvartana undan hávaða.