Lögreglan á höfuðborgarsvæðinu lýsir eftir þremur rúmenskum karlmönnum, sem komu til landsins fyrripart vikunnar í sex manna hópi, en þeir kunna mögulega að vera smitaðir af COVID-19. Tveir samferðamanna þeirra, sem voru handteknir fyrir þjófnað, hafa verið greindir með COVID-19 og því er uppi grunur að það sama geti átt við um þremenningana. Þetta kemur fram í tilkynningu frá lögreglu.
Mennirnir sem leitað er að heita Pioaru Alexandru Ionut, Adrian Badiu og Madalin Sorin Dragomir. Ionut og Dragomir eru á þrítugsaldri, en Badiu er á fertugsaldri.
Þeir sem geta veitt upplýsingar um ferðir þremenninganna, eða vita hvar þeir eru niðurkomnir, eru vinsamlegast beðnir um að hafa tafarlaust samband við lögreglu í síma 112.
