fbpx
Mánudagur 06.febrúar 2023
Fréttir

Deilt um húsleit á skrifstofu lögmanns

Kristján Kristjánsson
Miðvikudaginn 10. júní 2020 08:00

Héraðsdómur Reykjavíkur

Ekki missa af Helstu tíðindum dagsins í pósthólfið þitt

Lesa nánar

Í gær fór fram aðalmeðferð í máli Steinbergs Finnbogasonar, lögmanns, gegn íslenska ríkinu. Steinbergur stefndi ríkinu vegna frelsissviptingar að ósekju. Hann var handtekinn 29. febrúar 2016 þegar hann mætti með skjólstæðingi sínum í skýrslutöku hjá lögreglunni. Honum var þá tilkynnt að hann hefði réttarstöðu sakbornings.

Fréttablaðið skýrir frá þessu. Fram kemur að Björn Þorvaldsson, saksóknari hjá héraðssaksóknara, hafi gefið skýrslu fyrir dómi í gær. Hann var meðal annars spurður um húsleit sem var gerð á lögmannsstofu Steinberg en þar var lagt hald á mikið af gögnum. Þar á meðal var mappa sem var merkt með nafni skjólstæðings Steinberg og sakbornings í málinu sem var til rannsóknar.

Eitt af álitaefnum málsins er hversu langt lögreglan megi ganga við húsleitir hjá lögmönnum. Var Björn spurður um þetta.

„Það var ekki leitað hjá honum sem verjanda, heldur var leitað hjá honum sem sakborningi. Ef lögmaður er grunaður um að hjálpa umbjóðanda sínum við að fremja það brot sem er til rannsóknar er lögreglu rétt að rannsaka það.“

Svaraði Björn.

Steinbergur gaf einnig skýrslu í gær. Hann sagðist aldrei hafa orðið fyrir eins miklu áfalli og þegar hann var handtekinn. Hann hafi mætt á skrifstofu héraðssaksóknara til að vera viðstaddur skýrslutöku hjá skjólstæðingi sínum sem var sakborningur í umfangsmiklu peningaþvættismáli. Þess í stað hafi hann verið handtekinn og látinn sæta einangrun í fangelsinu á Skólavörðustíg. Hann krefst 10 milljóna í bætur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Sigríður Hrund ósátt við áhrifavalda – „Hér er verið að húkka far á okkar smartheitum“

Sigríður Hrund ósátt við áhrifavalda – „Hér er verið að húkka far á okkar smartheitum“
Fréttir
Fyrir 3 dögum

Fréttavaktin: Fréttir vikunnar með Kristjáni Frey Halldórsson bóksala og Rósu Björk þingmanni

Fréttavaktin: Fréttir vikunnar með Kristjáni Frey Halldórsson bóksala og Rósu Björk þingmanni
Fréttir
Fyrir 3 dögum

Lögreglumaður segir vændi hafa aukist samhliða kipp í ferðaþjónustu – „Ekkert eftirlit“

Lögreglumaður segir vændi hafa aukist samhliða kipp í ferðaþjónustu – „Ekkert eftirlit“
Fréttir
Fyrir 3 dögum

Pútín vill stöðva skotárásir á rússnesk landsvæði

Pútín vill stöðva skotárásir á rússnesk landsvæði
Fréttir
Fyrir 3 dögum

Brúðkaupveislan breyttist í martröð eftir afdrifaríka ákvörðun brúðgumans á dansgólfinu

Brúðkaupveislan breyttist í martröð eftir afdrifaríka ákvörðun brúðgumans á dansgólfinu
Fréttir
Fyrir 3 dögum

Frétta­vaktin: Orka frá vind­­myllum ó­­­traust og notkun megrunar­lyfja tí­faldast

Frétta­vaktin: Orka frá vind­­myllum ó­­­traust og notkun megrunar­lyfja tí­faldast