Á erlenda fréttamiðlinum Bloomberg, sem er í eigu auðjöfursins umdeilda, Michael Bloomberg, er fjallað um Ísland sem frábært skjól frá hættum heimsfaraldursins. Þetta kemur fram í pistlinum Ísland er hið fullkomna skjól frá kórónavírusnum.

Í pistlinum er fjallað um að erfiðara verði að njóta sín á sólarströnd en vanalega vegna veirunnar. Þar muni fólk þurfa að dreifa sér mikið, auk þess sem að það mun geta glímt því að fá þjónustu, líkt og drykki. Þá er einnig rætt um stórborgir Evrópu sem séu ekki samar. COVID-laust sé hinar nýju fimm stjörnur.

Íslandi er hrósað hástert fyrir viðbrögð sín við faraldrinum og þá er því haldið fram að opnun landamæranna 15. júní sé blessun. Það að fara í skimun á flugvellinum er sögð vera góð leið til þess að treysta ferðamönnum sem verði heppnir að fá að ferðast um fallega náttúru landsins án þess að allt sé pakkað.

Þó er því haldið fram að opnun landamæranna sé engin gulltrygging á það að ferðamenn komi og að hún gæti í verstu mögulegu útkomu jafnvel leitt til þess að nýjum hæðum yrði náð hvað smit varðar.

Að lokum er því haldið fram að minnsta kosti verði áhugavert að fylgjast með hvernig Íslandi muni ganga að sækja ferðamenn.