Í nýútkomnu helgarblaði DV er að finna úttekt á mörgum glæsilegustu gistingum landsins sem gjarnan eru uppbókaðar á þessum tíma árs. Slík lúxus gisting kostar sitt en sökum ástandsins er hægt að gera hin mestu kjarakaup og upplifa stórkostlegan lúxus á allt að 50% afslætti á mörgum glæsilegustu hótelum landsins. Fjöldi heimasíðna er jafnvel komnar með sérstakan flipa merktan 2020 sem gefur til kynna sérleg sumartilboð tengt Covid ástandinu.
Dýrustu hótel landsins eru þó enn lokuð og hafa ekki tekið ákvörun varðandi framhaldið samkvæmt fyrirspurnum DV. Rekstrarkostnaðurinn er hár svo það borgar sig ekki endilega að hafa opið sé boðið upp á mikinn afslátt.
https://www.instagram.com/p/B-wCFjKnLSX/
Deplar, frá 270.000 kr.
Hótelparadísin Deplar býður upp á 13 lúxusherbergi og er stærðin á byggingunum yfir 2.600 fermetrar. Nóttin á hótelinu kostar frá 270.000 kr. upp í milljón, en allskyns stórbrotinn lúxus er innifalinn. Hótelið er vinsælt allann ársins hring en á veturnar eru heliski mjög vinsælt, þar sem þyrla flýgur skíðafólki upp í fjöllin.
Hótelið er lokað sem stendur. Ekki hefur verið tekin ákvörðun um að draga úr þjónustustigi og lækka verð til að opna fyrir innlendan markað að svo stöddu. Hingað til hafa nánast eingöngu erlendir ferðamenn sótt hótelið.
Hótelið er staðsett fyrir norðan, í Fljótum í Skagafirði og þykir sannkallaður gimsteinn. Deplar Farm er í eigu bandaríska lúxsusfyrirtækisins Eleven Experience.
The Retreat Hótel við Bláa Lónið, frá 180.000 kr.
Hótelin tvö við Bláa lónið, Silica og The Retreat Hotel, eru lokuð í það minnsta út maí. Nóttin á Silica kostar almennt á þessum tíma, miða við heimasíðu þess, frá 78.900 krónur. Svítan á The Retreat Hotel, sem er eitt fyrsta fimm stjörnu hótel landsins, kostar frá 180.000 krónum.
https://www.instagram.com/p/BxkWLljFO6J/
