DV gefur út á þriðjudaginn næsta, 20. ágúst, líkt og síðustu ár, upplýsingar um tekjur Íslendinga. Upplýsingarnar byggja á greiddu útsvari samkvæmt álagningarskrám Ríkisskattstjóra (RSK). Í sérstöku tekjublaði DV má því finna upplýsingar um laun forstjóra, stjórnmálamanna, íþróttafólks, listamanna og fjölda annarra úr öðrum atvinnugreinum. Í blaðinu verður einnig að finna fréttir, viðtöl og skemmtiefni.
Vegna útgáfu Tekjublaðs DV, sem er seinna á ferðinni en vanalega vegna breytinga á birtingu álagningarskrám hjá RSK, kemur ekkert DV út næstkomandi föstudag, 16. ágúst. Tekjublaðið 20. ágúst kemur í stað þess, en um er að ræða vinsælasta blað DV á árinu og telur það að þessu sinni tæplega hundrað síður.
Eftir útgáfu Tekjublaðsins fellur útgáfa DV aftur í samt horf og kemur út föstudaginn 23. Ágúst.