fbpx
Sunnudagur 26.maí 2019

DV - Frjáls og óháður miðill

Fréttir

Bjóða heimilislausum í páskamat á annan í páskum: „Það hafa margir góðir komið að þessu verkefni“

Erla Dóra Magnúsdóttir
Miðvikudaginn 17. apríl 2019 16:38

Mynd frá síðasta fundi mæðginanna

Ekki missa af Helstu tíðindum dagsins í pósthólfið þitt

Lesa nánar

Búið er að stofna sjóðinn Öruggt skjól í minningu Þorbjarnar Hauks Liljarssonar, betur þekktur sem Tobbi. Tobbi lést í haust eftir að hafa verið á götunni í mörg ár. Móðir hans, Guðrún Hauksdóttir Schmidt, fór í kjölfarið að vekja athygli á stöðu heimilislausra og berjast fyrir betri aðstæðum heimilislausra á Íslandi.  Fyrir jól var reistur minningarveggur Tobba á Lækjargötu þar sem fólki gat lagt heimilislausum lið með því að skilja eftir fatnað eða annað nýtilegt.

Markmið sjóðsins er að vinna að varanlegum úrræðum á þeim vandamálum sem heimilislausir glíma við. Móðir Tobba, Guðrún, er í forsvari fyrir sjóðinn og hefur starfið farið vel af stað.

„Tobbi átti ekki auðvelt líf. Hann lenti í hræðilegu bílslysi árið 1992 og glímdi við afleiðingar þess allt til enda.  Eftir slysið þurfti Tobbi að vera á sterkum lyfjum til að deyfa sársauka, en slíkum lyfjum er afar auðvelt að ánetjast. Þannig hófst barátta Tobba við fíknina. Þegar hann lést hafði hann búið í mörg ár á götunni við slæmar aðstæður.“

Fyrsta verkefni Öruggs skjóls var að gera eitthvað fyrir þá sem eru á götunni og eiga ekkert skjól að leita í, og þar sem páskahelgin er fram undan þótti það góður tími til að hefjast handa.

„Við ætlum að hafa mat fyrir heimilislausa í hádeginu annan í páskum. Það hafa margir góðir komið að þessu verkefni.“

Hjálpræðisherinn leggur sjóðnum til húsnæði sitt í Mjódd fyrir matinn og Fjárhúsið, veitingastaður í Granda Mathöll, býður gestum upp á matinn. Fjárhúsið sérhæfir sig í lambakjöti og gerir bragðgóðan og fallegan mat. Staðurinn er rekinn af Herborgu Svönu Hjelm og Birgi R. Reynissyni og eftir páska verður annar staður opnaður í mathöll Kringlunnar.

Fyrirtækið Grayline sér um að senda rútur niður á Skúlagötu og sækja þá sem vilja koma í matinn. Vífilfell gefur gos með matnum og sjóðurinn er nú að leita til fyrirtækja sem gera ís, til að verða sér út um góðan eftirrétt.

„Svo verður lifandi tónlist því Valborg Ólafsdóttir söngkona og Mikael Tamar Elíasson taka nokkur falleg lög. Við vonum svo bara að sem flestir sem búa á götunni frétti af þessu og við fáum þau til okkar í mat.“

Sjá einnig:

Þorbjörn lést á mánudag

Guðrún missti son sinn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Ákvörðun Útlendingastofnunar afturkölluð – Mayeth verður ekki send úr landi í bili

Ákvörðun Útlendingastofnunar afturkölluð – Mayeth verður ekki send úr landi í bili
Fréttir
Í gær

Magnús ákærður – Talinn hafa svikið út 85 milljónir frá Sparisjóði Siglufjarðar

Magnús ákærður – Talinn hafa svikið út 85 milljónir frá Sparisjóði Siglufjarðar
Fréttir
Í gær

Ríkisskattstjóri gefur ekki upplýsingar um 10 tekjuhæstu í ár

Ríkisskattstjóri gefur ekki upplýsingar um 10 tekjuhæstu í ár
Fréttir
Í gær

Pálmi sparar ekki stóru orðin: „Illa innrætt og heimskt fólk“

Pálmi sparar ekki stóru orðin: „Illa innrætt og heimskt fólk“
Fréttir
Í gær

18 ára piltur í vanda eftir ofsaakstur á Kringlumýrarbraut

18 ára piltur í vanda eftir ofsaakstur á Kringlumýrarbraut
Fréttir
Fyrir 2 dögum

Eitt stærsta fíkniefnasmygl sögunnar – Fjórir Íslendingar í haldi – Kókaínið metið á hundruði milljóna

Eitt stærsta fíkniefnasmygl sögunnar – Fjórir Íslendingar í haldi – Kókaínið metið á hundruði milljóna
Fréttir
Fyrir 2 dögum

Guðni forseti birtir hjartnæma mynd af föður sínum: „Segjum bara að nú reki Patti smiðshöggið“

Guðni forseti birtir hjartnæma mynd af föður sínum: „Segjum bara að nú reki Patti smiðshöggið“
Fréttir
Fyrir 2 dögum

Lögregla varar við umferðartöfum – Hér gætu orðið miklar tafir í dag

Lögregla varar við umferðartöfum – Hér gætu orðið miklar tafir í dag