Hatari mun gefa 10 miða á útgáfutóleika sína til Takk Bára, söfnunar sem hefur það að markmiði að safna fyrir málskostnaði Báru Halldórsdóttur, sem uppljóstraði líkt og frægt er orðið um Klaustursmálið seinasta vetur. Þetta kemur fram í tilkynningu til fjölmiðla.
En eru 9 dagar til þess að styðja málefnið á Karolina fund. Líkt og flestir vita var Báru stefnt fyrir uppljóstranir sínar á Klaustur-bar, af þeim Sigmundi Davíð Gunnlaugssyni, Gunnari Braga Sveinssyni, Bergþóri Ólason og Önnu Kolbrúnu Árnadóttur. Þau eru öll þingmenn Miðflokksins.
Miðarnir sem hljómsveitin Hatari hefur gefið til söfnunarinnar verða á útgáfutónleika þeirra sem fram fara í febrúar.
Fram kemur í tilkynningunni að það sem mun safnast umfram málskostnað muni renna beint til Báru, auk þess er því haldið til haga að Karolina fund taki 10% af söfnunarupphæðinni.